Lewil sel 27 April 1876

Man olliwa: Pääkohtomeh. ab. Jaan Taal

abbi kohtomees Joh. Kausaar

" Johan Suits

Ette tulli Johan Thalfeldt ja palles kohhut sedda kaddonu essast Ado Thalfeldt perrandetu warrandust ärra jaggada selle perrandajide päle kes olliwa Ado latse, poig Jaak II Michel III Johan IV Hindrik V Jürri VI Jaan VII Peter I sõssar Liso II An ja warrandus olli olnu:

ent muud warrandust ei tija temma ollewat olnu ja arwap et ülle kigge piddanu 150 rubla eest ollema.

Welli Jaak Thalfeldt ütles et ni paljo sedda warrandust es woinu olla ni paljo kui Johan ülles om andnu sest et meije essa olli waene nink jäije kiik se warrandus minno kätte ja kui minna perremehhes saije nink olli essa ja minno man weel 3 aastat päle selle haige ja om se kiik ärra kullunu selle päle ja olle weel essa warrandusest Sommerpallon essa wõlga weel masnu. Jaan Thalfeldt ütles et mes Jaak om kõnnelnu se wõip õige olla, minna sest paljo ei tija ent Jaak om minno kolitanu ossast ja sõssare mees Jaan Reichan kes minnol ni kui kasso essa olli. Welli Peter Thalfeldt ütles et minna ei tija ka essa warrandusest middagi, enne om minno welli Jaak ülles kaswatanu. Welli Jaak ütles et minna naksi hendale to warrandust kaswatama Lewil kos minna Räzi maja kontrakti hendale wõtsin nink andis minnole perris herra Müller kattes aastas ilma massota kätte ja päle selle weel abbi töhho mõisast härja ja mahha külwe lina seemnid nink olli minna 12 aastat majan perremees ja anin sis se maja kontrakt ja maja kigge  kramiga ja rahhaga  welle Jaan Thalfeldti kätte ja olli sis 10 ellajad, 3 hobbest, üts 35 rubla töine 50  rubla kolmas 75 rubl wäärt ent paljos sedda wälja olli sedda minna ei wõi üttelda ehk woip olla 100 wakka rükki ja 100 wakka tõugu nink om welli Jaan minno käest kontrakti sanu pettusega nekrutist pässemise perrast nink anni minna Johanile ja Michelile Konksilla tallole päle Penti walda jao wälja nink es jä Johanil  ennemb maja jaggo kui 50 rubla mes temma welle Jürri warra wahhetamisega hende kätte sai nink jäje ka welle Peter hääs maija 50 rubla, sõssare olliwa mõllema om jaggo wälja sanu jubba, omma maja ja 300 rubla puhhast rahha jätti minna welle Jaani kätte et piddi sedda maija  piddama koni minno 3 poiga ülles kaswawa  nink sis sedda maja minno poeadele taggasi andma nink ka kiik se warrandus mes minna Jaani kätte anni, ent nüüd ostis Jaan hendale tõise maja Karraski tallo nink wõttis minno käest naise ja mo kolm poiga ka ülles kaswatada nink selle perrast  lätsi minna majast wälja. Jaan Thalfeldt ütles et neid latsi olle minna wõtnu kül henda päle kaswatada wõtnu ent se maja olli üts renti maja nink osteti käest ärra mes minna Jaako käest wõtti nink puhhast rahha ei olle minna Jaako käest suggugi sanu ennegi kraami ütsinda muud kui 70 rubla kewwadene rent. Jaak ütles, kui küsiti mes wisil temma 300 rubla Janile om andnu, et 80 rubla Jaani kolitamise päle q25 rubla om temma minno käest Taski lanen Penti mõtsan wäggisi ärra wõtnu ja 100 rubla annin minna Jaani kätte maja kinni wõtta ja piddada Johan Thalfeldt üles et welli Jaan om wõtnu Karraski maja ostmise  päle minno rahha 515 rubl ilma minno käest  küsimata ja kewwaja Karraski maja protsenti massa 63 rubla nink kasüggise jälle 63 rubla nink weel Präzi maja rahhaga 2 hobbest ostnu a´ 45  rubla = 90 rubla se om 741 rubla nink ei olle minna muud temmale Präzi majast andnu. 

Jaan Thalfeldt ütles et minna ei olle Johani käest rahha mitte suggugi wõtnu ei sanu nink om weel Johan minno käest kiik palk wälja sanu, ülle kigge 534 rubla. Peter Thalfeldt ütles et minnol middagi ütlemist ei olle nink mes Johan tahhap sellega olle minna rahhul nink tahhawa mõllemba Juhhaniga Jaani käest kiik Karraski maja ja maad hendale sada. Jaako wannemb poig Jürri Thalfeldt nõwwap ka Karraski maja ja essa warrandust.

Moistet:   Otsus: 

Kaddonu Ado Thalfeldti perrandust ei olle Johanil ei ka tõisil wellitsil middagi nõudmist, sest et se ärra selletedu om et middagi perra es je, nink sawa Juhani tahtmise perra Michel  Thalfeldt ja Jürri Thalfeldt Penti wallast tõises kohto päiwas tallitedu.

Se moistminne om § 773 ja 774 perra kuluted.

Pääkohtomehhe abbi Jaan Taal XXX

abbi kohtomees Johan Kausaar XXX

" Joh Suits XXX

N 17.