Ette tuli Rõuge kerikomõisa mõtsawaht ja kaibas kerikomõisa walitsuse nimel, et Paap Soe Wanast Nursist, olewat kerikomõisa mõtsast kõiwi warastanu, mõtsawaht Peeter Palm oli Paap Soe kinniwõtnu. Tannil Thalberg oli ka ütten olnu, kui mõtsawaht Peeter Palm Paap Soe mõtsawarguse päält kinni oli wõtnu.

Tannil Thalberg ütleb henda mõtsawahiga ütten mõtsan olnu, kui Paap Soe oli kerikomõisa mõtsan olnu. Paap Soe naine oli hobesega mõtsan. Kui mõtsawahiga mano saime, oli kõiw saega mahalõigatu. Sae wõttime meie ära. Teise kõiwo, mis joba maha oliwa lõigatu, oliwa juba ära wiidu. Aga se kõiw, kelle mant meie Soe kätte saime, oli juba walmis juppes lõigatu.

Kohtomees Jakob Pruwli oli ne warastedu kõiwo kannu ülekaenu nink lõidnu et oli kõiwe 52 1/2 tolli warastedu. 6 kandu kokko. Kerikomõisa walitsus nõud warastedu puije eest kahjotasumist nink warast warguse eest trahwida.

Mõistus:

Et Paap Soe mõtsast warguse päält kinni sai wõetus, sis peab tema kerikomõisa walitsusele puutolli päält 30 Kop kahjotasumist se om 52 1/2 tolli päält 15 rbl. 75 Kop nink 3 rbl. trahwi 14 päiwa seen äramasma. Trahwiraha walla ladikohe.

Pääkohtomees: J. Kroon [allkiri]

Kohtomees: J. Pruwli [allkiri]

        "             J. Meister [allkiri]

Kirj. J.Treu

Paap Soe sel 23. Decembril 1881 sissemasnu 9 rbl. 70 Cop.

                                                                               5 rbl

30.VIII 82                                                              4 rbl.   5 Cop.

                                                            Summa:   18 Rbl. 75 Cop.