Ette tuli Rõuge mõisawalitsus ja kaibas, et Peeter Rodi poisi olewat moisa mõtsast puid warastanu. Rodi pois Karl Tealane ütleb, et peremees olewat neid mõtsa wiinu ja kätte näitnu, kost nema puid pidiwa wõtma ja raguma. Tunnistajat ei olewat selle man, enge Tealane olewat peremees Rodiga kattekõsi mõtsan käünu. Mõtsast oli raotu kuiwi pedajit, kanda oli paljugi mõtsan nätta.
Peeter Rodi teine sulane Jaan Prätz ütleb, et nema peremehe käsu pääle olewat mõtsast 2 puud ragunu ja ütte ladwa ka wõtnu, mis enne olewat maha rautu olnu. Nema omma arwanu, et peremees ehk wahest luba saanu, neid puid wõtta. Se puu toomine ja ragumine oli päiwa olnu.
Pääkohtumees Jaan Kroon ja kohtumees Jaan Meister oliwa mõtsan käinu nink raotu kande mõtsast üle 10 kannu löidnu. Peeter Rodi poolt leiti puid arwata üte koorma osa.
Otsus:
Rõuge mõisa walitsuse soowimise pääle üts koopia mõisa walitsusele sissesaata.
Pääkohtomees: J. Kroon [allkiri]
Kohtomees: J. Meister [allkiri]
" P. Kuus [allkiri]
Kirjutaja: J. Treu
Ette tuli Rõuge mõisawalitsus ja kaibas, et Peeter Rodi poisi olewat moisa mõtsast puid warastanu. Rodi pois Karl Tealane ütleb, et peremees olewat neid mõtsa wiinu ja kätte näitnu, kost nema puid pidiwa wõtma ja raguma. Tunnistajat ei olewat selle man, enge Tealane olewat peremees Rodiga kattekõsi mõtsan käünu. Mõtsast oli raotu kuiwi pedajit, kanda oli paljugi mõtsan nätta.
Peeter Rodi teine sulane Jaan Prätz ütleb, et nema peremehe käsu pääle olewat mõtsast 2 puud ragunu ja ütte ladwa ka wõtnu, mis enne olewat maha rautu olnu. Nema omma arwanu, et peremees ehk wahest luba saanu, neid puid wõtta. Se puu toomine ja ragumine oli päiwa olnu.
Pääkohtumees Jaan Kroon ja kohtumees Jaan Meister oliwa mõtsan käinu nink raotu kande mõtsast üle 10 kannu löidnu. Peeter Rodi poolt leiti puid arwata üte koorma osa.
Otsus:
Rõuge mõisa walitsuse soowimise pääle üts koopia mõisa walitsusele sissesaata.
Pääkohtomees: J. Kroon [allkiri]
Kohtomees: J. Meister [allkiri]
" P. Kuus [allkiri]
Kirjutaja: J. Treu
