Sel 25 Julil 1883

Kaibas Wallawölmünder Jaan Sawik et tema ollun möda lännu kewade Jama tee läbbi satssin, sis ei olle Lepiko  Märt Toom omma Tee jagu häste ärra tennu ja tema om tee ümber tetta lasknu, kos jures 1 Rubl ärra kullunu ja pallus et kohus seda raha sisse nõuas.

Lepiko Märt Toom wastutas et Tanni Johan ja Toma Jaan om tema Tee jagu tegema pidanu ja kui nemma halwaste om tennu wastutawa essi.

Mõistetu: et Lepiko Märt Toom 1 Rubl teeparranduse est  Jaan Sawikule 8 päiwa sehen ärra massma peab nisama peab Märt Toom 60 Cop trahwi ladiko heas massma, selle et tema aijamise päle kohto ette tullemada om jänu.

Se mõistus sai kulutado ja õpetus leht wälja antu.

Päkohtumees: Jaan Link /allkiri/

Kohtumees:  Jaan Klaosen XXX

Peter Iwan /allkiri/