Ette tuli Rõuge mõisa walitsus ja kaibas, et Peeter Egel kari, Wastsest Nursist, olewat suwiste edimatsel pühal Mõrokunna suure niido pääl olnu. Suure karjusse oliwa ka man olnu, sis es ole se kari mitte kogemata, enge meelega niido pääle aetu. Moisawalitsus nõud oma ilmaaigo käimise ja niido söötmise eest 14 Rbl. hõbbedat ja karjussid trahwida.

Mõtsawaht Karl Laas ütleb karja niidun nännu olewat, nink seda om ka Willem Sand nännu. Willem Sandt es wõi seekõrd mitte tulla, tema om Tartun Kliinikun.

Peeter Egel tuli kohtokutsmise pääle ette ja üttel, et tema sest niido söötmisest midagi ei teedwat. Karjusside perast ei olewat temal midagi käsku olnu.

Mõistus:

Peeter Egel massab wie kõrra kohtu eest wäljajäämise perast 150 Kop nink Rõuge mõisa walitsusele 2 rbl. kahjo tasomist. Peeter Egel karjusse, kes edimatsel suwiste pühal karjan oliwa, maswa egaüts 5 kõrra kohto eest wäljajamise eest 150 Kop. 14 päiwa seen nink läwa 48 tunnis türmi, et meelega karja niitu omma ajanu.

See kohto mõistus saije kohtunkäijile kuulutedus n.n.e.

J. Kroon J. Pruwli  J. Meister

Kirjutaja: J. Treu

Täudetu.