Haslawa Kogukonna Kohus sel 19 Detsembril 1883

Man ollid:

Päkohtumehe asemel: Johan Klaosen

Kohtumees: 

 Peter Iwan

Johan Grossberg 

Jaan Pruks 

Tulli ette  Peter Kõiw  Wanna Kustest ja kaibas, et Marguse Tallu Perremehe lesk  Mina Henn om temale naeses tulla lubbanu ja nemma om siin kohtu een 28 Nowembril se kaub ärra tennu, kelle järgi tema se  Marguse Tallu 20 asta päle omma kätte pidanu sama, ent nüid ei luba se Mina Henn temale tulla ja lähab tõisele mehele, tema, Peter Kõiw, om selle aija sehhen kosja wiena joton ja Mina Henn essa jurde sõitnu selle läbbi on temma 49 Rubl 5 Cop wälja andno ja om ka üttest kohast, selle raha sehen ilma jänu kelle est 100 Rubl kahjutasumist nõuab ja kui Mina Henn temale se kahju ärra massab wõib seamma tõisele mehele mina.

Lesk Mina Henn wastutas Jaag Tehwandi man ollen  selle kaibuse päle, et tema Peter Kõiwo enamb mehes wasta ei wõtta ja lähab tõisele mehele, Peter Kõiw om kül mõni kõrd temma pool käinu ja ka wina temma essa pole wienu tema om Peter Kõiwole kõrd süija andno.

Peter Kõiw wastutas, et Mina Henn iks edesi temale tulla om lubanu ja temal ollon kaub walmis tettu selleperrast ollon temal ka se suur kullu, sest temmal om ega kõrd tunistuse man ollnu, kui tema om kullotu ja se et tema tõisest kohast ilma selle läbi om jänu om temal ka tunistus anda ja tema om ega kõrd hobuse palkama pidanu.

Mõistetu: et  Mina Henn selle Peter Kõiwo kullo, mis 24 Rubl kõiges arwata om, Peter Kõiwole ärra massma peab selle et Peter Kõiwal selle kossimise jures kullo om ollnu.

Se mõistus sai kulutado ja õpetus leht wälja antu.

Kohtumees

Johan Klaosen XXX

Kohtumees

 Peter Iwan /allkiri/

Jaan Pruks /allkiri/

Johan Krosbärk /allkiri/