Weel sel sammal päiwal tulli ette Marri Rattus kaiwas omma perremehhe Juhhan Seme päle, et ta tedda om sõimanu lewa kandso wargas üttelnu nink et ta selleperrast tahtwat ärra minna, perra Kullemisse perra löuti et na tõine tõist omma sõimanu. 

Koggokonna kohhus mõist: et na mõllemba piddiwa rahho jäma, nink Marri piddi jälle temma mannu taggasi minnema nink kui ta mitte ei olles lännu sis olles temma omma essa tahtmisse perra 10ne witsa hobiga trahwitus sanu, ent Marri läts perre mehhe mannu taggasi teenma; ent Juhhan Seme andse ka ülles kui paljo temma omma tütriko Marri Rattussele palka mas, se om: 1 Rbl. käe rähha 10 Rbl. palka nink perremes annap ka ommalt poolt kiik rõiwa kõrraperrast enes tarwis päle.