Jusa maja, sel 1. Junil 1867. olli Koggokonna Kohhus koon,

Musti mõtsa waht Jaan Uibo tulli nink kaiwas: Krotus mõtswaht Jürri Tamm olli tälle kaibanu, et Krotus perremees Jürri Sild om tälle kolmtõistkümne ägli lawwaga wasta tulnu, kui Tamm om tahtnu tedda kinni wõtta, sis om Jürri Sild üttelnu:(Nida tunnistap Jürri Tamm) et temma neid ägli laudu Musti mõtsast raggonu. Kui Musti mõtsawahhi ja mõisa wallitsusse poolt sai se assi ülle kaetus, nink  Koggokonna Kohto man perra kulleldus, sis tunnist Sild, et Krotusse mõtsast wiest kusest neid kolm tõistkümme ägli lauda om raggonu, om ka Krotus poolt kanno prowi todo, kost Jurri Sild üttel neid raggonu ollew. Karraskij poolt löuti ka kande; ent Sild üttel et temma neist kannest middagi ei tija, et nüüd kummaltgi poolt muud tunnistust es olle, kui kanno et Jürri Sild omma tunnistusse perra, arwas Koggokonna Kohhus, et temma Krotus mõtsast ne lawwa om raggonu. Ent et temma sellega mõisawallitsusse, ja mõtsawahhile waiwa tegge ja nida wõlse, mõist Karraskij Koggokonna Kohhus: Jürri Sild peap selle wõlsmisse ja waiwa eest meije mõtsawahhile 1 Rbl. 50 kop.Strafi masma. Ägli lauduraggomisse trahw sest et ta Krotusse mõtsast üttel ja säält arwati ka raggonu ollew jäeti neid omma koggokonna mõista.

Wallawannemb Jaan Tullus.