Karraskin, Jusamajan, sel 29. Dzembr 1867 olli koggokonna kohhus koon

Musti mõtsawaht Jaan Uibo tulli ette, kaiwas, et Musti mõisa rentnik Karel Solberg ollew nimmitet Musti mõisa mõtsast 6 peddajat ja 39 kõiwo raggonu, nink ollew weel kiik kanno sawwiga ärra määrnu. Kui kohto man Solbergi käest neide puije perrast nowweti, üttel temma: Minna ei olle ennamb kui 4 peddajat 4 kõiwo raggonu, ent tõisist ei tija mina middagi. Jälle küssiti mõtsawahhi käest, kost sa sedda tijat, et Solberg om raggonu? Kas sa sedda ollet nännu? Koste mõtsawaht: Minna näije neid kõiwe rehhe kõrwal. Se päle  koste Solberg: Ne olliwa samma 4 kõiwo pu ja haggu, egga ma ütsinda es ella, es jõwwa ka sedda hulka ütsinda weddada ja raggoda. Selle päle saiwa ka sel sammal päiwal Solobergi kats sullast, Juhhan Peikli ja Jaan Röss kohto manno todus, nink nõwwetus: kas nemma middagi rohkemb ei tija. Nemma es ütle müüd teedwat, kui ne enne nimitet 4 kõiwo ja 4 peddajat. Weel saije mõtsawahhi käest küsitus, kas täl weel ennamb müüd tunnistust om, kui ne pu mes ta rehhe kõrwal nännu, mõtsa waht es ütle muud middagi ollew. Wallawannemba ja kohtomeeste ülle käemisse perra, löiti mõtsa wahhi kaibus 6 peddajat ja kolmkümend üttessa kõiwo oige ollew, mes sääl raotu olli nink kelle kanno mullaga märitu ja sämmeldega kattetu olliwa. Weel sai Solbergi käest küssitus, kes nend kande sis kiik üttewisi ärra olli määrnu? Määrko kes taht, minna neid ei olle määrnu, wõise reega ülle minnen ka mullatses sada, ent rohkemba kui nelja kõiwo ja nelja peddajide perrast, mes me essi omma suga ärra tunnistiwa, tunnistust es olle, nink keddagi ka koggokonna kohhus wannutada es wõi, es wõi koggokonna kohhus ennamb trahwi mõista kui neide päält mes awwalikus sai: Sis mõist koggokonna kohhus: Karel Solberg peap neide 4 peddaje ja 4 kõiwo eest 

Eesmane peddai   6 tolli jämme ja 3 süld pik  37 copp.

   2               -           "   -         -           3 süld pik  37   -

   3              -          16   -          -          "    -    -     174  -

   4               -          "     -          -        "     -    -     174  -

   1        kõiw          10    -          -        3 1/2   -       72   -

   2          -               5    -           -         3        -       30  -

   3         -                "     -          -          "    -   -      30   -

   4          -               "      -        -           "     -    -    30   -

Üllekige peap Karel Solberg katte näddaliga Karraskij mõisa perrissele 5 Rubl 4 koppikat ärra masma, ehk kes ei tahha rahho olla kaiwako perembade kohhtode.