Karraski Jusa Majan sel 1matsel Märtsil 1868.

Jagob Astel Tamme mees tulli ette kaiwas et Karraski perremees Mihklil Troon om minnewa jakobi päiwa ümbre temma wije ajasta vannuse latsest ülle sõitnu. Krotus mehhe Kusta Lummi ja Taniel Raig nink ka Pigandi mõisa Kubbijas Juhhan Hääl ollew ka sedda nännu, Mihkli Troon käest sai nõwwetus, kuis ta sedda om tennu, Mihkli es salga, enge üttel: Temma ei olla mitte ülle sõitnu; enge lawwa Kerrikust tullen, kon hulk hobbesid lämma ilmaga parme perrast kõwwaste sõitnu, nink minna ka neide perran: Sääl kargap ütte kõrraga naine, lats üssan wahhelt hobbeste nõnna tõiselt poolt tõisele pole teed, ja minna wannu inne minna es näe mitte, et ka tõine wäikene lats temma perran joosk, kedda sis minno hobbene, sest et ni häkkitselt kinni piddada ennamb es jõwwa, ratta juhhi nink tellega mahha weddasi; ent mitte ratta ülle es lä. Ennenimmitet Krotus mehhe nink ka Pigandi kubbijas, kutsuti ette: Kusta Lummi  ja Taniel Raig ütliwa: Nemma omma kül nännu, et Mihkli Troon telle otsaga last om mahha ajanu, ent kui paljo haiget sanu, sedda na ei tija, ei olle ka muud middagi nänno.

Juhhan Hääl tunnist: Temma ei olle middagi nänno, muud kui sedda kärra kuulnu, sest et temma een hobbesid lännu. 

Koggokonna kohhus arwas: Et Mihkli Troon üts wanna tõttelik innemine, nink päleke läwwa kerkust tulleja olnu, sis es woi sääl mingi suggust uhkust wai kergemeelt olla; nink kui latsele om haiget sanu sis om ta üts koggemätta johtumine olnu, kelleperrast kige ennamb latse emma süüdlane om, sest ta piddi omma lats, säratse hulga rahwa mödaminemisse aigu käe kõrwal hoitma, nink mitte wallalisselt omma pääd laskma tulla. Päleke piddi Jakob Astel õkwa tol kõrral se lats siin näutama, kas tälle ka tõtteste haiget, ja kui suurt haiget ta oma sanu; ent nüüd pole aasta perrast om tuttu, et ta taht ilma asjada kiusu ajada ja masso sada, selle perrast es woi sis koggokonna kohhus middagi mõista.

                                                                            Wallawannemb J. Tullus