Karraskin, Jusa majan, sel 5. Aprillil 1868 olli koggokonna kohhus koon

Wanna Koijola koggokonna kohto kirja perra No 45 sai Hilba Möldre Mattisoni ette kutsutus, nink Mihkli Kingo wõlla perrast nõwwetus ja selletust tettus. Mattison üttel: Minnol ei olle üts kros Mihkli Kingoga wõlga. Ent päle selle üttel weel, kui küssiti, mes assi to sis õigest om: Minna tija et talwitse wori perrast se nõudminne om, ja to assi olli sedda wisi: Meije wõttime Mihkli Kingo käest temma kutsmisse perra linna wori päle; ent perrast Ade Karli pool ütteldi mulle, nink anti kirja ka kätte, et minna potrast ollewat, ja minna ütli Mihklile wasta: Minna ei olle wori kaubelnu, enge Peter Abel, selleperrast ei olle minna ka ütski potrast, kirja woi ma kül tallitada, ja kelega ka, kui tarwis, teid awwitada, ent potrask ma ei olle, ei wastuda ka muide kui omma koorma eest. Kui sa mulle kottun olles üttelnu, et ma potrask pea ollema, sis ma olles egga koorma päle kaalmisse man saisnu.

Seperrast wastotago egga üts omma koorma eest, minno koorma olliwa täwelikku.

Selle päle arwas Karraskij koggokonna kohhus ni: Kui Kingo Mattisoni potraskis tahtse, sis olles ta piddinu kottun enne linna kaalmist Mattisonile ütlema, olle ni hä, wõtta potraski ehk wori wallitsus henda kätte, nida et sa temma wastutat, ja selle perrast tulle nüüd kalu manno, ja kae, et eggale üttele õigest peap päle kalutama, et middage essitust ei tulle, ja kui sis sääl kottun Mattison wori wallitsust sedda wisi henda kätte olles wõtnu, sis olles temma ka piddinu wastutama, et temma sedda ei olle tennu, arwap meije koggokonna kohhus kigest muust wastutamissest walla, kui enneke omma koormide eest peap temma wastutama. Konna nüüd Mihkli Kingo muidogi kohe, nink henda eest middake kosta ei woi, sis arwame kige õigembas kui egga üts omma koorma eest wastutap.

Wallawannemb J. Tullus.