Jälle selsammal päiwal tulli ette Grüjer, kes kaiwas temma olli Johan Semega leppingo tenno, et Johan Seme peap tälle palke weddama ja masse rahha ette ärra, nink üttelnu: Säe sinna illuste palgi kihhile rist palgi alla, et ärra ei mäddane, kelle man Johan Mandli tunnistaja om; ent Juhan Seme om kiik palgi palja ma päle pilnu, ja mes al olli, omma kiik ärra mäddanu. Päle selle ei ollew leppitut kiwwe kiik ärra weddanu, enge üts neljandik süld weddamata jätnu. Johan Seme es woi sedda sallata enge üttel: Minnole ütteldi, et tarre nakkatas tullewa näddali teggema, selleperrast es holi minna.

Koggokonna kohhus üttel: Kui ka tarre hommen nakatasi teggema om ikkes tarwis allus palke alla panda, ja mõist nida: Johan Seme peap jallapäält nipaljo omme terwid üttesurusid palke assemale andma, ehk 1 Rubla egga mäddanu palgi pält masma, nink ne pudus jänu kiwwi ärra wima, kedda 1/4 süld olli.

                                                                        Wallawannemb  J. Tullus