Jusal, sel 20. Septembril 1868 olli Karraskij koggokonna kohhus koon

Jaak Hublik kaiwas: Juhhan Wähk om temma, ütte koorma suru röa kuhhilikko ärra rabbanu, mes sest om awwalikkus sanu: Kui Wähk om rükka külwanu, sis om Jaak Hublik arwanu, et to röa semen om tores olnu, nink om Mihkli Raig ja Jaan Leppasoon sedda mahho külwetut semend ülle, ja löüdnu et ka semen tores om olnu, mes weel sest ennamb awwalikkus sai: Mihkli Raig om Juhhani käest küssinu, konnas sa selle röa külwit? Wähk üttelnu neile, ja üttel ka koggokonna kohto man, eila õddanguspolen; ent Jaak Hublik üttel: Ei, täämba hommogo enne päiwa, ja selle man om Jaan Sõrmus omma pojaga tunnistaja, et ta täämba hommungo se röa om külwno. Se päle kutsoti Jaan Sõrmus omma pojaga ette, kes lubbas se päle wandu, et Juhhan hommongo enne kohto meeste ülle kaemist se röa om külwnu. Kunna nüüd se röa semen essi wälja näütas, et ta torelt rabbatu olli, nink päleke Juhhan püüs wõlsiga kända, et ta waremb olles külwno, nink se läbbi ma pääl tores lännu, ja ommeti tunnistaja läbbi awwalikkus sai, et õkwa enne ülle kaemist olli külwetu mõist koggokonna kohhus Juhhanit süüdlasses; ent ni sures süüs, et ei arwa wõiwat sedda trahwi panda, mes ta wäärt om.

Tõiselt ka selle, et Juhhan ärra salgas, nink tunnistaja wannutet. Sis pallep allandlik Karraskij koggokonna kohhus Keiserlikko Kihhelkonna kohhut tunnistajid wannutada ja tälle selle sure sü perralist trahwi panda. -

                                                           Kirjutaja  H. Undritz