Jusal, sel 8. Nowembri 1868 olli Karraskij koggokonna kohhus koon

Musti mõtsawaht Jaan Uibo tulli ette, kaiwas: Musti mõisa rentnik Karel Solberg om Musti mõisa mõisa mõtsast 8 jallast saega ärra lõiganu. Solberg kutsoti ette ja sai nõwwetus, kuis sinna sedda ollet tenno?  Solberg üttel: Minna ei olle lõiganu, ei ka kellelki käskno; omma sullase tenno, sis wastotago essi. Sis kutsoti temma sullane Jaan Krus ette, küssiti, kuis sa sedda ollet tennu? Et mõtsa wahhi selge tunnistusse perrast ennamb es woi sallata, üttel temma: Jah, kuus jallast olle ma kül lõiganu, ent kes ne kats, ei tija minna.

Eent kohhus arwas et no kats jallast ka kellegi muide lõigatu es woi olla ja mõisteti kige kattessama kõiwo eest, mes kohtomees Johan Mandli ülle kaemisse ja mõõtmisse perra 45 tolli wälja teggi egga tolli päält 6 kop wargusse trahwi ja päle selle § 1065 perra 1 Rbl. kinniwõtmisse eest, ülle kige peap Mustimõisa rentnik Karel Solberg 3 Rbla 70 koppikat masma.

                                                                Prottokoll om sel 14. Nowembril wälja antu.

                                                                               Kirjotaja H. Undritz