Selsammal päiwal tulli jälle An Wõsso ette, kaiwas: Temma kaddonu essa Karli Wõssul om Jaan Ehhina kätte 60 Rublat wõlgo antu, kellest 20 Rublat nüüd weel masmata ollew. Kui Jaan Ehhin ette kutsoti, tulli ta kige omma naisega, sest et ta om nimmelt to rahha lainaja olnu, nink selleperrast selgembast tood asja üttel teedwat.

Kui sis neide mõllembide käest küssiti, mes perrast se rahha ei olle arra mastu? Ütliwa, et nemma omma ärra masnu, ja anniwa ütte tähte, kon üllewan olli, kuis wisi ja mes asju sissen na omma sedda rahha ärra masnu, (ni kui neide täht saap wälja näütama) nink ei ollew neil middagi kaddonu Kaarli Wõsso perrandajille massa; enge weel saija. Ent et Mihkli Wõsso, Taniel Kantzleer, Jaan Punna, Jakob Wõsso nink Jaan Tullus selle ollew üttelnu, et sest kuwwestõiskümnest rublast 20 Rublat weel masmata om, sis mõist koggokonna kohhus: Jaan Ehhin peap Anno Wõssole se katskümmend rublat ärra masma. Sai ütteldus, kes rahho ei tahha olla, woip kattessa paiwa perrast Prottokolli wälja wõtta ja surembat kohhut nõuda. Ent Jaan Ehhin es olle rahhul, ja wõt Prottokolli sel 18. Dezembril 1868 wälja. -

                                                                        Kirjutaja H. Undritz