Karraskin, Jusa majan, sel 21. Märzil 1869 olli koggokonna kohhus koon

 Johan Seeme tulli ette kaiwas, et temma mõtsast 7 peddajat om ärra raotu, nink arwas, et kaddono Grüijeri sullane Wilhelm Urm neid puid om raggono. Wallawannemba üllekaemisse perra ollew tutta olno, et ütte kirwega no peddaja omma raotu; sest et kirwel zälk sissen om olnu, kellega no pu omma raotu. Sellepäle kuttsoti Willem Urm ette, ja ütteldi: Sinno päle om Juhhan Seeme kaiwano, et sinna ollew Johani piri weren puid raggonu ja ka ütteliisi temma mõtsast 7 peddajat ärra raggonu, mes sa sellepäle kostat?  Urm üttel: Minna tija selgest piri ja es olle mulle ka üttegi puid waja, mes ma neidega tei?  Juhhan Seeme woise essi ka säratse zälklikkatse kirwega raggoda; sest et täl meije essandale 7 Rublad massa olli, mes ta sellega arwas tassa sawat.

Et üttegi tunnistust es olle ja Grüjer ka kolu, es woi ka koggokonna kohhus muud, kui mõisteti se assi tühjas.