Kaiwas Josep Karpson et temma om suure puu puuduse perrast om temma soo päält 20 tükki penigisi peddajit ja üts kae warre jämme raggunu, Mõtsawaht Jaan Lepland om tullu ja kirwest temma käest ärra kisknu ja temma ei olle andnu sis om J. Lepland tedda osse sisse mahha tõuganu ja kirwest temma käest ärra kisknu ja temmale wasta suud löönu, sis om J. Lepland Sultsi poja kutnus ja tedda kinni keita tahdnu, temma ei olle lasknu sis om J. Lepland tedda Päkohtumehhe mannu kutsnu ent kohtumees es olle koddu ollu

Ette tulli Jaan Lepland ja ütel et temma Josepi käest kirwest küssinu ent Josep ei olle mitte andnu ja ütelnu hendale lubba raggoda ollewad, sis om temma wäggisi kirwe Josepi käest ärra wõtnu. Ja enne talwitse pühhi om Josep ka ütte koorma puid wiinu mes Josep ka es salga.

Tunistaja J. Sultz ütel et Josep Karpson om üttelnu minna raon ni palju kui minna tahha sinna ei wõi mulle middagi tetta.

Kohhus mõist et Josep Karpson peab Mõtsa Saksale se mõtsa raggomise eest 1 Rubla masma sis saab omma kirwe kätte.

K. Rämman

J. Parmson

P. Urgard