Kaiwas se Wallawannemb Peep Lepman et Kahkwa Walla poisit om Lehhawõtte eddematse ja töise pühha ööse Leppikese küllan kaddunu Rämmali Peepu Naise ja Writz Leppindi majan tülli tennu. Poise nimme omma Peter Lepson Writz Leppisk Peter Leppind Josep ja Jakob Leppind ja Jaan Oinberg.
Suurest Wirksust Kusta Rämman Hödo Nitsikow Soldat Karl Karpson ja Writz Obrand Peter Wöikman Karl Küttman
Ette tulli kaiwatawa Peter Lepson ja ütel et Perrenaine om eddimatse pühha ödago temmale üttelnu et minne Aita maggama et Suurel neljapäiwa ööse om Aida uss lukkust walla wõedu ja ütelnu et sis sinna näed kes ööse tulleb ja usse walla wõttab. Sis om temma Writz Leppiski ja Josep Leppindi ja Oina Reinu poja ka kutsnu, nink tütriku on ja aidan Magganu. Sis om ööse tulluwa Suurewirksu poisit Kusta Rämman Karl Küttman ja Soldat Karl Karpson, ja lubbanuwa Aida ust eest mahha lüwwa ja läbbi akna Saiwatsega sisse zusknu ja mulda ja maad sisse pildnuwa ja sis Aida Usse wäljast poolt kinni keidnuwa ni et Aidast ei olle wälja päsnu, Peter Lepson om läbbi kattuse tahdnu wälja minna om Pä kattusest wälja pistnu sis om Soldat Karl Karpson kiwwiga tahdnu temmale Pähha wissata, ent temma om saanu pä sisse tõmmata.
Writz Leppisk ja Josep Leppind kõnneliwa ka ni samma kui Peter Lepson jo kõnnelnu om.
Jaan Oinberg üttel temma om eddimatse pühha kerrikun käinu ja om Peter Lepsoniga ütten Leppikessele tullu, Peter om tedda henda poole keelnu ja lubbanu kaekmatse pühha temmaga ütten Kirmsi Koolimaja tulla ja perrast om Peter tedda ka aita kutsnu ni kui Petre Perrenaine käsknu olli, sis om Suure Wrksu poisit tulluwa ja mulda aknast sisse pildnuwa ja Saiwastega zusknuwa ja Aida usse kinni keidnu ja sis perra körd ärra lännu.
Sis ütel Writz Leppisk et wasta perramatse pühha om temma omman küinin magganu ja temma Sõssard om ka olluwa ja Soldat Hendrik Lepund ja Peter Lepson om ka saaö olluwa sis om Suure Wirksu poisit tulluwa neide küini ja Saipat ütten olluwa ja neidega tülli tennuwa ja Hödu Nitsikow om Writz Leppiski rindu piddi kinni wõtnu ja küinist wälja weddanu ja sääl wäiga pesnu, mes pääle Writz Lepiski Emma ka olles Writz Leppiskile appi lännu sis om H. Nitsikow tahtnu Writzi Emmale ka lüwa ent Kusta Rämmand ei olle lasknu ja ütelnu ärra lö.
Peter Lepson kõnnel ka ni samma ja üttel et temma ka om Suure Wirksu poese käest körraperrast pessa saanu ja perra körd omma ärra paggenuwa.
Soldat Hendrik Lepund ütel et Karl Karpson om temma küinist wälja tõmmanu ja temmale nuijaga pähha ja kässi pääle pesnu ni et käe sinnitse olluwa.
Ette tulli Kusta Rämman ja ütel et nema om teednuwa et Leppikese poisi tütrike man omma selle om nemma ka lännuwa ent temmal ei olle mitte Saiwast ollu ja Writz Obrandil om saiwas ollu.
Writz Obrand ütel et nemma ei olle mitte tülli tennu et Writz Lepisk om tedda õkwa Rinnust kinni wõtnu kui nemma küini om lännu.
Hödo Nitsikow üttel et Kusta Rämman om üttelnu et Lähhame Leppiksele sääl om suur pal sis om temma ka lännu ja kui temma küini om lännu sis om Writz Lepisk temma kübbara pääst ärra wõtnu se pääle om temma Writzi rinnust kinni wõtnu sis om Writzi Särk ktaski kakkenu.
Kohhus mõist et ne poisid kes eddimatse ja töisel pühhal om tülli tennuwa saawa egga üts 20 witsa löki ja kes keskmatse pühha ütsinda om olluwa sawa 10 witsu.
Sis saiwa Kusta Rämman Writz Obrand ja Jaan Oinberg egga üts 20 witsa löki. Ja Hödo Nitsikow 15 Peter Wöikman Karl Küttman Peter Leppind J Leppind ja Jakob Leppind Writz Lepisk 10 witsa löki. Peter Lepson sai 30 witsa ja Writz Lepisk mas 2 Rubla rahha trahwi waeste ladigo selle et temma emma ütel et temmale mitte witso ei woi anda selle et temma mitte üts terwe terwisega Innimene ei olle.
K. Rämman
Jakob Parmson
Peter Urgard
Kaiwas se Wallawannemb Peep Lepman et Kahkwa Walla poisit om Lehhawõtte eddematse ja töise pühha ööse Leppikese küllan kaddunu Rämmali Peepu Naise ja Writz Leppindi majan tülli tennu. Poise nimme omma Peter Lepson Writz Leppisk Peter Leppind Josep ja Jakob Leppind ja Jaan Oinberg.
Suurest Wirksust Kusta Rämman Hödo Nitsikow Soldat Karl Karpson ja Writz Obrand Peter Wöikman Karl Küttman
Ette tulli kaiwatawa Peter Lepson ja ütel et Perrenaine om eddimatse pühha ödago temmale üttelnu et minne Aita maggama et Suurel neljapäiwa ööse om Aida uss lukkust walla wõedu ja ütelnu et sis sinna näed kes ööse tulleb ja usse walla wõttab. Sis om temma Writz Leppiski ja Josep Leppindi ja Oina Reinu poja ka kutsnu, nink tütriku on ja aidan Magganu. Sis om ööse tulluwa Suurewirksu poisit Kusta Rämman Karl Küttman ja Soldat Karl Karpson, ja lubbanuwa Aida ust eest mahha lüwwa ja läbbi akna Saiwatsega sisse zusknu ja mulda ja maad sisse pildnuwa ja sis Aida Usse wäljast poolt kinni keidnuwa ni et Aidast ei olle wälja päsnu, Peter Lepson om läbbi kattuse tahdnu wälja minna om Pä kattusest wälja pistnu sis om Soldat Karl Karpson kiwwiga tahdnu temmale Pähha wissata, ent temma om saanu pä sisse tõmmata.
Writz Leppisk ja Josep Leppind kõnneliwa ka ni samma kui Peter Lepson jo kõnnelnu om.
Jaan Oinberg üttel temma om eddimatse pühha kerrikun käinu ja om Peter Lepsoniga ütten Leppikessele tullu, Peter om tedda henda poole keelnu ja lubbanu kaekmatse pühha temmaga ütten Kirmsi Koolimaja tulla ja perrast om Peter tedda ka aita kutsnu ni kui Petre Perrenaine käsknu olli, sis om Suure Wrksu poisit tulluwa ja mulda aknast sisse pildnuwa ja Saiwastega zusknuwa ja Aida usse kinni keidnu ja sis perra körd ärra lännu.
Sis ütel Writz Leppisk et wasta perramatse pühha om temma omman küinin magganu ja temma Sõssard om ka olluwa ja Soldat Hendrik Lepund ja Peter Lepson om ka saaö olluwa sis om Suure Wirksu poisit tulluwa neide küini ja Saipat ütten olluwa ja neidega tülli tennuwa ja Hödu Nitsikow om Writz Leppiski rindu piddi kinni wõtnu ja küinist wälja weddanu ja sääl wäiga pesnu, mes pääle Writz Lepiski Emma ka olles Writz Leppiskile appi lännu sis om H. Nitsikow tahtnu Writzi Emmale ka lüwa ent Kusta Rämmand ei olle lasknu ja ütelnu ärra lö.
Peter Lepson kõnnel ka ni samma ja üttel et temma ka om Suure Wirksu poese käest körraperrast pessa saanu ja perra körd omma ärra paggenuwa.
Soldat Hendrik Lepund ütel et Karl Karpson om temma küinist wälja tõmmanu ja temmale nuijaga pähha ja kässi pääle pesnu ni et käe sinnitse olluwa.
Ette tulli Kusta Rämman ja ütel et nema om teednuwa et Leppikese poisi tütrike man omma selle om nemma ka lännuwa ent temmal ei olle mitte Saiwast ollu ja Writz Obrandil om saiwas ollu.
Writz Obrand ütel et nemma ei olle mitte tülli tennu et Writz Lepisk om tedda õkwa Rinnust kinni wõtnu kui nemma küini om lännu.
Hödo Nitsikow üttel et Kusta Rämman om üttelnu et Lähhame Leppiksele sääl om suur pal sis om temma ka lännu ja kui temma küini om lännu sis om Writz Lepisk temma kübbara pääst ärra wõtnu se pääle om temma Writzi rinnust kinni wõtnu sis om Writzi Särk ktaski kakkenu.
Kohhus mõist et ne poisid kes eddimatse ja töisel pühhal om tülli tennuwa saawa egga üts 20 witsa löki ja kes keskmatse pühha ütsinda om olluwa sawa 10 witsu.
Sis saiwa Kusta Rämman Writz Obrand ja Jaan Oinberg egga üts 20 witsa löki. Ja Hödo Nitsikow 15 Peter Wöikman Karl Küttman Peter Leppind J Leppind ja Jakob Leppind Writz Lepisk 10 witsa löki. Peter Lepson sai 30 witsa ja Writz Lepisk mas 2 Rubla rahha trahwi waeste ladigo selle et temma emma ütel et temmale mitte witso ei woi anda selle et temma mitte üts terwe terwisega Innimene ei olle.
K. Rämman
Jakob Parmson
Peter Urgard
