Kaewas Kahkwa Mõisa karjus Jaan Himm et mõisa wallitsus om temma palka 25 R sisse keelnu se läbbi üts Lehm om tal karjalauta ärra lõpnu.

Piimarentnik Nikke ütel et Lehma pä om külle alla ollu jäänu ja sitta sees om aud ollu kos Lehm om sees ollu.

Tunistaja Marri Pruks ütel et Lehm om pallati al ollu ja säält om nemma wällja kisknu.

Tunistaja Marja Wijar ütel et Lehm om sitta pääl maan ollu ärra lõpn ent et Nulk om pimme ollu ei olle temma mitte nännu kas sääl auda om ollu wai ei.

Tunnistaja Jaan Tods üttel et temma om nännu et Lehm om ärra lõpnu ollu ent sitta sees ei olle mitte hauda ollu.

Tunnistaja Lena Parmson ütel et temma om ka enne Walged Ellajit södman ollu kui nemma om söda ette pandnu om karjamees tuld näidanu, ja Wanna mees om to poole pääl söödnu kos se Lehm om ärra lõpnu ollu, ja Wäikese Walge aigo kui Rendniku welli om leidnu et Lehm om lõpnu ollu ei olle mitte hauda ollu, Sel 8 Junil ütel Jaan Hannik et kui nemma om karja södnu om Lehm weel terwe ollu, ja kui nemma töist körd om Lauda mannu lännu om lehm ärra lõpnu ollu, ent hauda ei olle mitte ollu.

Kohhus mõist et üttegi selged tunnistust es olle et koggoni karjusse süi läbbi Lehm om hukka saanu ja ka hauda ei olle sitta sees ollu. Nink ka Mõisawallitsus ei ka Pimarentnik enne sedda karjusselle ütelnu et sitt olles halwaste säedu ollu ei woi se Kog. Kohhus karjust mitte süidlasses mõista nink ka Kog. Kohtul wõimus ei olle Mõisa wallitsust sundi karjussele wälja masma jääb se aasi suuremba kohtu selletata.

K. Rämman

J. Parmson

P. Urgard