Lewil sel 14 Juli 1876

Man olliwa: Pääkohtomees J. Thalfeldt

abbikohtomees Joh. Kausaar

" Johan Suits.

Protokolli N 29 perra sel sel 30 Junil tulli ette Tunnistaja Johan Thalfeldt ja ütles wälja et Peter Lane ei olle mitte ösel käünu temma man abbi otsma, nink om Peter Thalfeldt minno man künin magganu nink ollewat kõnnelemise helli kuulnu ja tuld nännu tõisen künin ja küsinu kes sääl om? päle se ollewat kiik waggaste jänu nink lännu küniläwwe päle kaema ja nännu Peter Lane ülle murro minnewat. Peter Lauk ütles et temma ei tija middagi ei Peter Lane pesmisest ei ka sapa wargusest nink lubbap selle päle suremba kohto man wandu.

Moistet:

Et Peter Lane kaibusin mitte õiget tunnistust ei olle, sis om se tühjas arwato.

Se moistminne om § 773 ja 774 perra kuluted,

Pääkohtomees [allkiri] Jaan Thalfeldt

abbikohtomees Joh. Kausaar XXX

" Joh. Suits XXX

Kirjot. Jõggewa

N 30.