Kaiwas Mõtsasaks J. Roosneek et Petra Palkow omma maja om Mõisa maa pääle ilma lubbata ülles tennu, Sis olles Mõisa poolest ülles üteldus saanu et temma peab omma Maja Mõisa maa päält ärra weddama, sis om P. Palkow pallenu et temma Maja paika jäedas ja om lubbanu Ja töodanu et ei tahha Mõisale üttegi pahhandust tette, ja ütelnud et kui temma poolest peas middagi ette tullema, sis om Mõisal lubba temma Majaga tetta mes tahhab. Ja nüüd olles Petra Palkow 44 korwi Mõisa mõtsast tennu. Ja Pallo Johhurga üttel et Petra Palkow om temma poole 200 mühko pirdo tonu ja temma om ne piro Kulja Külla ärra müinu 1 Rubla eest. (Petra om temma käest õlgi winu ja se summa Johhurga Hobbesega pirrud sadnu.)

Ette tulli Petra Palkow ja üttel et temma neide Korwe perrast kül süidlane om mes temma poolt om leitu ent 4 tükki ei olle temma kellegile andnu. Ja Pallo Johhurgale ei olle temma mitte pirde winu ja ei olle ka Johurga temmale 1 Rubla masnu ent Johhurga om temmale jo 4 aasta eest 1 Rubla wõlgo ollu, 3 Rubla om ollu leppitu 1 Rbl om wanna wõlla eest jäänu 2 Rbl om Petra poja kätte andnu.

Kohhus mõist et Petra Palkow üeab ülle neide korwe Mõisale 2 Rbl. masma ja ne korwi Mõisale essi ärra wima.

K. Rämman

K. Hanson

F. Runhanson