Kaiwas Jaan Säkna et temmal om ollu Josep Runinge käest 1 1/3 wakka alla maad kaubeldu 4 Rubla eest, Katte wilja alla, kost temma kül röa om ärra wõtnu ja se kewwade Linna pääle tennu, Linna teggemise aigo om J. Runing temmale ütelnu et temma se maa eest 8 Rubla nõuwab ent J. Säkna om J. Runingele wastutanu mes üts kord kaubeldu om se iks jääb egga katte körda ei kaubelda. Ja nüüd om J. Säkna Linna ärra kaknu sis om J. Runing ka omma Hobbese Linnu mannu ajanu ja Linna pääle pandnu ja ärra winu.

Ette tulli J. Runing ja üttel temma om se ma J. Säknale andnu katte wilja alla 8 Rubi eest, ent temma om arwanu et J. Säknal ütte körrraga rasse massa om sis om temma lepnu ni et J. Säkna massab egga aasta kui wilja teeb 4 Rubla, ent J. Säkna ei olle mitte temmale kui Linna tennu 4 Rbl. masnu selle om temma Linnust jaggo wõtnu.

Kohhus mõist et J. Runing peab ne Linna J. Säknale taggasi andma ent J. Säkna massab 2 Rbl weel J. Runingele perra.

K. Rämman

K. Hanson

F. Runhanson