Kaiwas Pedu Ritsing et temma om se kewade Fritz Kärtmani henda mannu Külla Seppas wõtnu, se tingimisega et kui Külla Seppa tööd ei olle sis peab F. Kärtmann P. Ritsingele Maja tööd teggema, Pedu om Fritz Kärtmani körra perrast södnu ja ülles piddanu ent F. Kärtman ei olle mitte ennamb P. Ritsinge sõnna kuulu. Ja om üts körd kuhja teggemise aigo P. Ritsinge kuhja otsast saddata lasknu se läbbi et Fritz Kapla om wlla lasknu. Ja töiselt om Fritz Pedu poja tördo alla pandnu, ja kolmantalt pallotab Fritz aidan kattuse al küunalt mes läbbi wõib õnnetus sündita.

Ette tulli kaiwatawa Fritz Kärtmann ja üttel et temma ei olle mitte Pedu Ritsinget kuhja otsast mahha lasknu, ja ei olle ka mitte P. Ritsinge Last tördo alla pandnu, ja kündla tullega om temma kül Aidan ollu ent om häste hoidnu. Ja kui P. Ritsing tedda om henda mannu kaubelnu sis om P. Ritsing ütelnu ärra pelga tullemast minna tahhan sinnu kui omma Last piddata, ja nüüd Peddu temmaga kiusama nakab.

Tunistaja Kusta Pukson ütel et temma ka om F. Kärtmaniga töisel pool kuhja Kapla piddanu, ja üttekörraga kuluwa kui P. Ritsing om kuhja otsast mahha saddanu ni kui patsatanu.

Kohhus mõist et Pedul mitte tunnistust es olle et F. Kärtmann tedda kuhja otsast olles mahha lasknu ja ka et Latse tördo olla om pandnu, ew wõi Fritzile middagi süidi mõista. Ja F. Kärtman ei tohhi mitte Aidan küinalt pallotata kui Pedi tedda kelab. P. Ritsing peab F. Kärtmanile ni kauwa kui kewwadeni korter ja ka Seppikodda pri andma, ja F. Kärtman tegge kewwadeni temma maja Seppa töö.

Kristjan Rämman

Kusta Hanson

Fritz Runhanson