Kaiwas Pedu Ritsing et temma om sadnu Fritz Kärtmani mannu pillakit parrandama, ni kui kohtu poolest mõistetu om et F. Kärtman temma Seppa töö teggema peab, ja temma om 2 körd poisi sadnu ja kolmat körda essi lännu, ja ka sis om F. Kärtman ütelnu et temma mitte P. Ritsinge tööd ei tee. Sis om P. Ritsing tahtnu Seppikoa ust eepärra wõtta se pääle om Fritz Kärtman tullu ja P. Ritsinget wassaraga pesma nakkanu. P. Ritsing om käe kinni wõtnu sis om F. Kärtman töise Wassara wõtnu ja iks Pedut pesnu ja perra körd weel Suurt Wassarat tahtnu wõtta sega P. Ritsingele lüwa.

Kaiwatawa Fritz Kärtman üttel et temma ei olle konnagi P. Ritsinge tööle wasta pandnu, ent om nalja perrast üttelnu minna olle kulu et sinna olled Rainuwa Seppaga kauba ärra tennu, se pääle om Ritsing ärra rahhanu ja Seppikoast wälja tullu ja tahdnu ust eest ärra wõttnu sis om temma se usse Ritsinge käest ärra wõtnu, se pääle om Ritsing ütelnu minna tahha sulle näidata.

Kohhus mõist et Pedu Ritsingel sälja pääl märgi olliwa mes läbbi nätta olli et Fritz Kärtman tedda pesnu om ja ka ni kui sel 4 Oktobril 1871 No 48 mõistetu om Pedu Ritsinge tööd ei olle tennu saab F. Kärtman 20 witsu ja tämbatsest päiwast P. Ritsinge majast pri et perrast suurembat õnnetust peljata ei olle.

sel 3l Aprilil mas Fritz Kärtman ne lögi rahhaga 4 Rubla waeste ladiku.

K. Rämman

K. Hanson

F. Runhanson