Kaiwas se mõisa Rendi Herra et Mõisa Karjamees Jaan Sikka ja moonamees Andri Linder om sel 1matsel Januaril ööse üts mõida reggi ärra warrastanu ja Wennema maa mehhe Zolgo Sahharile 50 kop. eest ärra müinu. Ja sel 2 Januaril om se reggi Zolgo Sahhari käest kätte saanu.

Kaiwatawa karjus Jaan Sikka kutsuti ette kes üttel et Andri Linder om se reggi warrastanu ja temma om sedda nännu.

Kaiwatawa Andri Linder üttel et Jaan Sikkal om se reggi ollu jo allamäe ärra widu, ja sis temmale ütelnu mul om üts Reggi müwa kui keagi ärra ostas, Andri Linder om üttelnu kül ostjit saab, ja sis om nemma se reggi ülle katte Zolgo Sahharile ärra müinu.

Töiselt kaiwas weel Herra et Jaan Sikka om henda Septembri kuul kui karri weel mõtsan käuwe Räppina Ladele pallelmu ent Herra ei olle tedda mitte lubbanu, ent J. Sikka om omma tütre karja pandnu ja essi ülle keelo Ladele lännu.

Herra üttel et temma wargid mitte ennamb Mõisa pääl ei pea käskis kohtul mõista.

Kohhus mõist et Jaan Sikka ja Andri Linder omma wargust es salga ja ennegi töine töist Südlasses panniwa peawa kumgi 3 Rbl. trahwi masma ni et 3 waeste Ladiko ja 3 Mõisale saab ja et Jaan om ülle Herra lubbata Ladele lännu massab weel 1 Rubla trahwi mõisale. Nink wargid ei wõi kül kohhus sundi herral piddama, ent wasta talwe neil kohhegi minna ei olle, sis pallep se Kog. Kohhus suurembal kohtul sedda asja selletata.

Kristjan Rämman

Kusta Hanson

Fritz Runhanson