Kaibas körtzimees Wido Ritsing et pühhapäiw sel 12mal Märzil Wassil Palkow ja Kusta Parson Körtsin tülli tennu ja wiina klaso katski lönuwa ja wäega söimanuwa, ja sel 13tal om Wassil jälle körtsi tullu ja üks löigatu pörs kortsin ollu, siis om Wassil nakanu pörsst pitsaga pessma, kui körtsinaine pitsa tahtnu Wassila käest ärra wötta ja Wassil ei olle pitsga andnu siis om Naine kübbara wötnu ja Wassil om nakanu naisega rabbelama ja se läbbi naisele haiget tennu.

Ette tulli Wassil Palkow ja üttel et temma on küll pörsale körtsin lönu siis om körtsinaine temma kübbara pääst ärra wõtnu ja kambre wissanu, temma pn üttelnu minna omma kübbarat ei jätta, siis on kübbara ärra andnu ja pitsa jälle ärra wõtnu.

Tunnistaja Hendrik Kärtman üttel et Wassil olles Körtsi tullu ja pitsaga lönu ent temma ei olle nännu kas pörsale om lönu wai ei, siis om kortsinaine tullu ja tahtnu Wassila pitsa ärra wõtta, ent Wassil on pitsa sälja tahte pandnu, siis om naine Wassila kübbara päst wõtnu, Wassil om kübbarat naise käest kisknu siis om Hendrik Wassilat naise mant ärra tömmanu ja üttelnu ärra pudu serrast naist.

Om henda wahhel lepnuwa nita, et Wassil massap Widole 10 Rubla.