Ette tulliwa Hendrik ja Jaan Urgard ja pallusiwa et kohos neide tülli asja wõttas selletada.

Sel 21mal Märzil on Hendrik Moisan renti massman käinu ja kui koddu jöudnu kulu et tarren om tüllitsetu, ni kui tarre astnu om Jaani naine temma naist ja üks körd olla ärra pessnu, nink Hendrik om lauda wasta koppotanu ja üttelnu, et kui minna koddust ärra lähhan, siis teije jälle tülli teete, siis om Jaan tedda rinnust kinni wötnu ja läwwe al pessnu nink Jaani naine tedda jussist kisknu, siis kui temma ülles päsnu om ta sängi lännu, nink perrast om ka Jaan Mitt wel appi tullu, tedda nink temma naist pessnuwa.

Jaan üttel et se tülli on Hendriko poja perrast tullu, ja pääke to ommawa naise henda waijel tülli lännu nink Hendriko naine on omma perst näidanu, siis on temma naine tullega zussanu, siis on Hendriko naine pirroga lönu, siis om temma naine Hendrik naist mahha töuganu ja säljan olla siis on Jaan omma naist päält ärra tömmanud nink se pääle on Hendrik tarre astnu.