Kaibas Fritz Leppisk, et temma pulma päiwal, om temma pulma rahwal 3mel wangrel wöruse katski löigatu nink läbbi öaijal neil wöerel suur hädda on ollu, ja temma majale ni suur teotus sanu. Paap Sabbali ütlemisse pääle, et Iwan Markow on sedda tennu.

Ette tulli Paap Sabbal ja ütel, et Iwan Markow on pulma rahwa wangerte sean ollu, nink wäits käen ollu. Jakob Rummaskind, on ka nännu et Iwan Markow wangerte sean saisnu nink wäits käen, ent temma on allustanu hobbesit ette pandma ja ei olle mitte tähhele pandnu mes Markow tennu.

Tunnistaja Josep Kissar, ütel, kui temma lännu Pulmarahwa hobbesit ette säätma, siis on Jwan Markow sääl hobbeste sean seisnu, ja temma on küssino, mes sinna siin teet? siis on Markow naeratanu nink ei olle middagi selle pääle wastutanu.

Iwan Markow sai ette kutsutud, ja ütel, et temma on kül sääl ollu nink wäits käen, ent tahtnu hennele tokki löigata, ent ei olle saanu, nink ei olle Josep Kissart sugguki nännu.

Kohtomees Fritz Runhanson ütel, et Markow on üttelnu; minna pelgan, kui se süüd mulle waggausi pääle ei satta.

Kohus möist, et Iwan Markow wäidsega Pulmarahwa wangerte sean ollu 1 Rbl. höb. trahwo waeste Ladiko.

Pääkohtumees: Kristjan Rämman

Abbi Fritz Runhanson

Abbi Kusta Hanson