Kaibas Mötsasaks et Rein Parmson om talwel temma käest palke pallelnu 60 tüki, ent Rein Parmson om 120 palke raggonu, ja weddanu ni et pool rohkemb, kui lubbato olli.

Mötsasaks nöus 1 Rbl. palki päält mes rohkemb olli raggoto, ja teiselt peab Rein Parmson piiri ärra kündma.

Ette tulli Rein Parmson ja wastutas, et temma mitte rohkemb ei olle raggonu kui 30 palki, nink om keik hones ülles lännu.

Kohus möist, et Rein Parmson, rohkem palke on raggonu kui temma eddimält om arwanu hendal waja ollewat, peab Rein 1 Rbl. se eest trahwi massma, ja et temma ne palgi keik hones om pandnu, ja mitte katmata es jätta, ei woi temmale surembat trahwi mõista, ja et piiri wälja kündnu ei woi süüdi panna.

Pääkohtomees: Kristjan Rämman

Abbi: Kusta Hanson

Abbi: Fritz Runhanson

Sel 31. Julil om se assi Kihhelkona kohto een moistetu et Rein Parmson peab 12 Rubla Mötsasaksale wälja massma. Leppis Mötsasaks, et R. Parmson üks õige mees, kes paljo süüdi ei olle 5 Rub. pääle; ning om masseto.

Pääkohtomees: Kristjan Rämman

Abbi: Kusta Hanson