Jusal, sel 12. Dezembril 1869 olli Karraski koggokonna kohhus koon

 Kõppi Juhhan Mandli tulli ette, kaiwas: Temma ollew Märdi ladelt tullen Ehhamarro kõrtsi sisse lännu, Jakob Lodus, Peter Mandli ja üts Kähri mees Ado Tanni ollew ka ütten olnu. Sääl ollew kõrdsimees Peet Tulder mannu tulnu Jakob Lodussele mannu lännu ja üttelnu: Ah se om se Jakap, Päle se tulli temma minno mannu ja üttel: Se om se sitta söja. Minna küsse temma käest, kas minna olle sinno sitta sönu? Temma üttel: Sinna ollet jah sitta söja ja pannet tarri sisse kah.    

Nink nõwwap omma trotsimist. 

Kõrdsimees Tulder kutsoti ette, küssiti: Mes perrast sinna nida Johan Mandlid ollet trotsnu? Tulder kost: Minna ei olle keddagi trotsnu. Nemme tulliwa kõrtsi sisse ja ütliwa, kes meist nüüd liku ostap. Sääl üttel Jakob Lodus, nüüd ehk Juhhan ostap; ent Juhhani welli Peter Mandli üttel wasta: Ta perse ei osta middagi ja mina ütli päle: Ta perse ei osta jah.           

Et neide wahhel ütteki selget tunnistust es olle, mõist koggokonna kohhus sedda asja tühjas kõrdsi lorris. 

Kirjutaja  H. Undritz   [allkiri]