Kaibas Jaan Mitt, et Koolmeister Krooni naine om keskmatse Lihhawete pühhal temma last pessnu karja man Jaan Mitti maa pääl, se eest, et ei olle lasknu Krooni ellajat omma Kaero, ja ni et 3 mulko om käe pääl ollu, mis Kohtomees Fritz Runhanson on ülle kaenu.

Kohtomees Fritz Runhanson üttel et se öige on, et latsel 3 mulko käe sees ollu.

Ette tulli J. Krooni naine ja üttel et se mitte oige ei olle, et temma pessnu olles; temma om kül tahtnu omma ellajit Mitti karjaga ütte kokko ajada, et neide ma liggitsi on, siis on Jaan Mitti tüttar tedda soimama akkanu päitzi litzis, ja üttelnu, sinna tahhat omma tüttart Urgawa Hendriko poja mannu horama, siis on temma latse poole lännu, lats om kiwwi otsast ülles saistanu, joskma ning röökima nakkanu, ja koddu josknu.

Kroon pallel kohot, et se kohtomees Fritz Runhanson temma wihhamees on ja Jaan Mitti söbber ollewat, ja pallel et Oppetaja temma tunnistajas jääs, et se lats ka se samal päiwal Oppetaja een näitaman on käinu, kui temma Fritz Runhansoni man on käinu.

Kohus moist et neil kummagil tunnistust es olle, et Krooni naine olles last lönu, ehk margit Krooni naise lödu olles ollu selle latse kässi terwe ei olle, mes mitte lödo es olle, ja et Oppetaja kässo pääle Jaan Mitt ei olle Tohtre poole näitma lännu moist kohus, se asja tühjas.

Pääkohtomees: Kristjan Rämman

Abbi: Kusta Hanson

Abbi: Fritz Runhanson