Kaibas Moisawallitsus, et poolpäiw hommungo piddiwa 3 moonamees, Karl Pun, Wido Hörand ja Jakob Woikman härjiga kündma minnema, ja kui nemma lännnuwa, siis omma jänuwa omma lubbaga, Moisa ristikhaina pääle, kos keige parremb kottus, neid härgi söötma, ni kawwa kui Kubijas on manu sanu, ja neid säält ärraajanu töö manu minnema; Se ajaga om ne härja ennast ni täis söönu, et üks neist lahki länno, kelle man Kunijas äkkizelt se härja laskno ärra tappa. Se pääle tooti se lahki länno härg Moisahe ja kalute härg keige nahhaga kokko 44 pund ja 19 naela.

Moisa herra nöuab selle pärrast et na omma lubbaga söötma jänuwa kahjotassomist 4 1/2 kop. nakla päält. Se tappetu härg sai kige nahaga neide 3 moonameeste kätte antus.

Moisa herra arwas, et iggal ühhel moonamehhel olles waja ollu 1 Rublaga trahwita, et nemma omma lubbaga ristikhaina pääle jätnuwa söötma.

Ette tulliwa Karl Pun, Wido Hörand ja Jakob Woikman, ja üttliwa, et neile ei olle keegi Moisawallitsusse poolest keelnu ristikhaina häddalat härjiga sööta, nink Moisawallitsus ollewad iks üttelnu, et härja körraperrast söödedus ja hoitus sasewa.

Moisawallitsus, koste warsti selle pääle, neil ei olle sugugi lubba ollu härgi ristikhaina pääle laske.

Ette tulli Moisa kubijas, ja üttel et neil moonamehhil ei olle härgi sötmissega suggusi teggemist ollu, om ennegi hobbeste poisi hool ollu neid härgi sööta. Moonameestel ei olle muud middagi härgiga tallitada, kui neid wötta, ja tööle minna.

Kohus möist, et Moisa herra, se lahkilännu härja kahjotassomist liig sures on arwanu, kohus es woi naklo päält middagi hinna moista, selle, et to lahkilänno härg liig sööki perrast ni rassest on kaalnu, nink sai se lahkilänno härja eest 28 Rub. moistetus, ninnk se summa ne kolm moonameest, herrale peawa tassoma.

Pääkohtomees: Kristjan Rämman

Abbi: Kusta Hanson

Abbi: Fritz Runhanson