Ette tuli Jakob Aplein ja kaibas, et temal olewat Jakob Aid käest nõudmist:

                                            Summa:                 15 rbl. 12 kop.

Jakob Aplein nõud ka selle raha kolme aasta protsenti.

Jakob Aid ütleb Aplein käest saanu olewat:

                                           Suma:                  2 rbl.  52 Kop.

Petserin hobese müümise man ei olewat Aid Apleini käest mitte 42 rbl., enge 40 rbl. laenanu, se olewat massetu. Mõtsa ostmise man raha wõetu olewat tema ka äramasnu, se om 10 rbl, 60 kop. olewat küll weel masmata.

Jakob Prätz ütleb nännu olewat, kui Aid oli Aplinile midagi kõrtsi treppi pääl andnu. Tee pääl oli Jakob Prätz küsinu: Mis sa Aplinile annit? Aid koste: Ma anni tälle puuraha 10 rbl.

Aplin ütleb, et kui saja ruublilisest 58 rbl. wälja antas paljo sis saja ruubli manu weel puudu om, - se om 42 rbl. nink nii paljo ole mina Petserin Aidile raha lainanu.

Mõisteti:

Jakob Aid peab Jakob Aplinile 14. päiwa seen wälja masma.

                                       Summa:              3 rbl. 12 kop.

Ent 10 rbl. mõtsa ostmise ja 2 rbl. lainatu raha üle ei ole mitte selget tunnistust nink om sis tühjas mõistetu.

Pääkohtumees: J. Kroon [allkiri]

Kohtumees: J. Pruwli [allkiri]

         "            J. Meister [allkiri]

Aplin om edesi kaibanu.

Protokoll No 97 all sisse saadetu.