Peter Kübbar kui üllesandja, tunnist niita: Otto Lemminge ja Kahkwa koggukonna wallitsusse wahhel ollu lepping tettu: Otto Lemming müüb omma maja Koggukonna kohtomajas walla päle ärra ning kaubeldu ollu se maja 80 rub. eest, ja olles Otto Lemmingule pri korter sääl saman sanu, kui maggasi ait olles ehhiteda. Sel samal päiwal ollew temmale 10 rub. käerahha antus, keddas Otto Lemming wastu wötnu, siis ollew üks leppingu täht tettu, keddas temma /Peter Kübbar/ Kohtomeeste kässo pääle kirjotanu.

Selle leppingu man olluwa tunnistajat: Jöksi Paap, Gusto Lepson, Koddawa Peter, Gottlieb Anderson, Jakob Parmson. Se ollew keik sündinu, sel       ajastajal.

Selle päle jäänu Otto Lemming 3me ajastaja jaggo päärahha masmata mes 15 Rub. wälja tennu, ni kui ramatu tunnistawa, ni et Otto Lemmingel wel perra wallawallitusse poolest olles 55 Rbl. piddanu sama, siis olles se maja koggukonna perralt jäänu.

Otto Lemming sai nüüd selle koggukonna wallitsusse läbbi ette kutsutus ja wastutas, temma ollew sel korral joobnu ollu, kui temma sedda leppingut tennu, ning temmal ei olle nüüd suggugi mõtten omma maja müwa.

Koggukonna wallitsusse poolt sai Otto Lemmingele 55 Rbl. kätte pakkutus, ent temma es wõtta mitte sedda wasta.

Nöumees: Peter Kierhäiding Jakob Jöks Josep Lepson Wido Using Josep Lepson

Pääkohtomees G. Anderson

Kohtomees P. Sabbal

Kohtomees J. Parmak

Wallawannemb R. Parmatzow

Wöörmünder Jaan Leppind

Wöörmünder Gusta Kesselmann