Jusal, sel 8. Mail 1870 olli Karrasky koggokonna kohhus koon

Ette tulli Karrasky wallawannemb Johan Ratnik, kes kaiwas: Et Karrasky walla poisi öse tallo maija möda ümbre hulkwa ja rahho ei pea, ni et ka maja asja ärra lahkwa, usaija wärre wallale laskwa ja ka nimmelt jätwa nink ellaja öse wälja läwa ja niwisi põllu pääl kurja teggewa. Häbbematta wisil tütrikudege pennide modo ümbre käüwa ja sis hommungult tö teggemisse tarwis ütteki jõudo ei olle. 

Kui neid poisse ette kutsuti ja selle perrast küssiti, es woi nemma minkagiga wabbandada, enge ütliwa: Egga meije ütsinda ei ka perramatse käüja ei eddimatse käüja es olle.

Selle päle mõist kohhus: Egga üts pois, olgo kes taht, kes öse ümbre hulknu om, saap 20 witsa hoopi. 

Nimmelt olliwa kohto man, kellele se trahw sai mõistetus:

1. Karraskij perrisperremees Peter Plado

2. Hindrik Wõsu  XXX

3. Jaan Tullus ja XXX

4. Juhhan Rattus

Kui kohto otsus kulutet olli üttel Peter Plado hendal oppetaja käest õiguse antu ollew öse tütrike man käwwa. Selle päle kutsuti koggokonna kohtu poolt oppetaja käest täht, kun sedda lubba tões tunnistedas ja kui mitte, sis tullep tõine mõistus selle trotsi eest, et kohhut ja oppetajat narus petas. 

Ent tõise poisi pallelsiwa andis anda, mes ka neide al saiswa tingimistega sai lubbatus ja ütteldus: Kui teije nüüd eddespiddi särast koerustükki ja tütrike pitte ümbre hulkmist mahha jättate ja eggaüts omma nimme alla kirjutate selle päle, et ennamb eal ei käü, sis sääp andis. Ent kes mitte alla ei kirjuta nink hulkmist mahha ei jätta, selle saap se ennenimmitet trahw 20 witsa hoop ärra antus ja peap weel 3 Rbl hõbbe sandi lati masma. Nink kes sest weel kül ei arwa ollew ja omma oppitut ammetid eddesi peap, sellega saap perran tullewa säädmisse perra tallitedus.