Kaibus.

Ette aste Fritz Hanson nink kaibas sel 17 Junil s.a. tullu Fritz Leppisk temma murro päle ja temma Fritz Hanson tullu tööst löunale, nink Fritz Leppisk wallanu temmale 3 pangi külma wet ülle ihho, nink tahtnu Fritz Leppisk temmale sedda tempo weel teha, ent temma joosknu koa pole, agga Fritz Leppisk on temmale perra jooksnu ja sälga karranu, nink weddanu tedda 10 sülda maat eddesi kaewo pole, ja litsunu tedda uessi maham sääl saman ligi kaewo olla üks teraw tulp 2 jalga maast korge, nink wõinu temma peake selle tulpa päle maale maha satada, ja säl saman surma saija.

wäljanöudminne:

Fritz Leppisk sai ette kutsutus ja wastutas, temma ei mitte Fritz Hansoni weega wallanu, ent arwap, et keik Fritz Hansoni sullase tedda weega wallanu, siis ollew temma Fritz Hansoni sälja taggast kinni wõtnu ja tedda kaewo pole tõmbata tahtnu.

Linner Oinas tunnistas, et se assi ni teada on ollu, ni kui Fritz Hanson omma kaibust ülles annu; sest paljo ei olle pudus ollu et selle asja man wõinu peake üks õnnetus sündita.

Moisteto:

selle et Fritz Leppiskil mingisuggust asja Fritz Hansoni murro päle nink weel wähhamb tedda putuda es woi, siis maksap Fritz Leppisk 1 Rbl. Fritz Hansonile ja üks Rb. waeste ladiko hääs.

Selle otsusega tunnist Fritz Hanson mitte rahul, sest arwap, et se trahw Frits Leppiskile wäha on, ja pallel Protokolli wälja siis sai se Protokoll sel 19. Augustil s.a. wälja antu, ja §773 ette selletedut.

Pääkohtomees G. Anderson

Kohtomees P. Sabbal

Kohtomees J. Parmak