Jusal, sel 17. Julil 1870 olli Karrasky koggokonna kohhus koon

Kähri mehhe Juhhan nink Josep  Porrila tulliwa ette, kaiwasiwa: Nemma omma Peetri päiwa ladelt Tartust tullen Liiwa kõrdsi man Karrasky mees Peter Mandliga hobbese wahhetanu, ent päle se omma na löidnu henda pettetu ollew, ja omma wije päiwa sissen sedda omma hobbest käünu Peetri käest taggasi palleman, ent Peter ei olle andnu. Nimmelt kaiwas weel Josep, et Juhhan kül om se hobbese wahhetaja olnu, ent hendal ei ollege hobbest, enge to om temma hobbene olnu, mes Juhhan ilm temma teedmatta ja lubbata om ärra wahhetanu, nink pallep ülliwäga omma hobbest kätte.

Peter Mandli kutsoti ette küssiti: Kas sinna luppat sedda Josepi hobbest tälle kätte anda? Ent Peter es luppa minki rahha eest anda. 

Selle päle arwas koggokonna kohhus nida: Eesmalt, et se hobbene ka tottest selle poisi Juhhanil kohto kullemisse perra es olle olnu; enge Josepi omma,  tõiselt, et tee pääl koddo tullen se wahhetus om sündinu, ei mitte lade platsin ja kolmandalt, kui eggal üttel omma käen, sis ei olle keake weel kahjo sanu,  sedda hobbest Josepile taggasi ja mõist selle een nimmitet põhjusel: Peter Mandli peap to hobbene Josepile taggasi andma, ent Juhhan Porrila peap Peter Mandlile 5 Rbl hobbe katte näddali sissen ärra masma, trahwis, et temma tõise hobbest om wahhetanu.

Sai kohto otsus ja § 773 kohtun käüjalle kulutedus; ent Peter Mandli es olle sellega rahhul nink Prottokoll om sel 21. Julil 1870 wälja antu.

                                       Pä kohtumees  Mihkel Raig  XXX

                                       kohtumees  Jaan Leppasoon  XXX

                                                    do    Johan Mandli XXX

                                          Kirjutaja H. Undritz [allkiri]