Kaibus.

Ette aste Nikolai Andrejew Gdowi kreisist ja Säsepinnja küllast, nink kaibas, Karl Parmson ollew temma käest üks kuhi hainu kaubelnu, nink päle selle ühendanuwa hinnaga nitade, et Karl Parmson temmale nende haino eest 25 Rbl. maksap, ja lubbanu Karl Parmson temmale päle kauba 1 wak kaaro ja üks matt uppe tuwa. Sel samal päiwal maksnu Karl Parmson 20 Rbl. kätte, ja jänu se Rest siis massa, kui Karl Parmson hainu perra tullep. Päle selle agga löudnu temma Nikolai Andrejew ühel päiwal, et se Karl Parmsoni ärra ostetu kuhi, ollu ärra weetu, nink nüüd lännu temma perra otsma, nink kullamise ja perra nöudmise perra, sanu temma Karl Parmsoni maja, nink temma haina ollu sääl. Säält lännu temma Päkohtomehe nink pallelnu sedda Karl Parmsoni pole tullu, nink Karl Parmson tunnistanu sääl saman, et temma ne haina tonu.

Temma (Nikolai Andrejew) nöuwap omma 5 Rbl. ja se 1 wak karo Karl Parmsoni käest kätte sata.

wäljanöudminne:

Karl Parmson sai ette kutsutus nink wastutas, se ollew kül nidate õige, ent Nikolai Andrejew ollew tedda hainuga petnu, selle et haina ei ollew hä ollu, nink temma ollew ne haina ilma temma teadmata ärraweddanu, siis olles se 5 Rb. temma Karl Parmsoni pole jänu.

Otsus:

Kui Nikolai Andrejew muud es nöuwa kui omma kätte sata, siis peab Karl Parmson 6 Rb. Nikolai Andrejewi hääs wälja maksma, nink sel 23. Januaril s.a. olgo se raha wallawannemba kätte sisse masseto.

Päkohtomees Gustav Lepson

Kohtomees Paap Sabbal

Kohtomees Josep Jöks

Kirjotaja J. Maddisson <allkiri>