Kaibus.

Ette aste Kahkwa moisawallitsus nink kaibas, temma ollew Hindrik Kiudowi käest (Räppinast) 200 wakka Kartofflit a, 40 kop. höb. wak ärra kaubelnu, nink termin ollu pantu, et ne Kartoffli Decembri kuul 1876 aastal piddanu Kahkwa moisan ollema, ent seni aijani weel mitte totu.

wäljanöudminne:

Hindrik Kiudow sai ette kutsutus, nink wastutas, se ollew kül öige, ent temma nabremees Jakob Zernask, ollew tedda pallelnu, kui temma (Hindrik Kiudow) ommi Kartoffli perrast Kahkwa moisa lähab kaupa teggema, siis temma Jakob Zernaski Kartofflite ülle nisama kaupa 200 wakka päle teha; nink temma Hindrik Kiudow on siis ni tennu ja Jakob Zernaskile, Kahkwa herra poolt üks käekirri kätte andnu;

Selle päle ollew temma Hindrik Kiudow ommi Kartofflit termini wahel Kahkwa moisa weddanu, ent Jakob Zernask mitte.

Jakob Zernask sai ette kutsutus nink wastutas, temma ollew ommi Kartofflit Tolama moisa weddanu, selle, et sanu säält wakka pält 5 Kop. rohkemb, nink Hindrik Kiudow ollew lubbanu se Kartoffli arw temma eest Kahkwa moisahe täis murretseta.

Otsus.

Hindrik Kiudow ja Jakob Zernask peawa kumbgi 5 Rbl. Kahkwa moisa Rendiherrale kahjotassomist maksma, ehk murretsego ne 200 waka kartofflit.

Päkohtomees Gustav Zernask

Kohtomees Paap Sabbal

Kohtomees Josep Jöks

Kirjotaja J. Maddisson <allkiri>