Sel 29 Aprilil 1885

Kaibas Wallawölmünder Peter Saal et 25 Aprilil s.a ei olle Otsa perremees Jürri Luha omma tallo jägu Peterburgi surt teed ärra teha lasknu, tema om selle tee ärra teha lasknu ja om 3 Rubl ärra kullunu ja pallus et kohus Jürri Luhat sunis seda raha massma.

Jürri Luha wastutas, et temal ollnu käsk ilma krusata teed teha enegi krawit puhastada, selleperrast om se tee tegemada jänu. Tee kubjas Karl Lesta om selle kässu andja ollnu.

Karl Lesta tunnistas sel 3 Junil 1885, et tema sullane om rema kässo päle keikile tee tegemisse kässo andno, tema ei olle mitte seda käsku anda lasknu, et Krusa tarwis wedada ei olle, enge et ega üts sis tee ärra peab tegema.

Sel 3 Junil 1885 sai mõistetu: et Otsa perremees Jürri Luha se 3 Rubl 8 päiwa sehen Peter Saalile ärra massma peab, mis tema tee jao tegemise päle kulunu om.

Se mõistus sai Peter Saalile kulutado. Sel 10 Junil s.a. sai se mõistus Jürri Luhale kulutado ja õpetus leht wälja antu.

Päkohtumees: J. Link /allkiri/

Kohtumees:

Johan Klaosen XXX

 Peter Iwan /allkiri/

Jaan Pruks /allkiri/