Kaibus.

Ette aste Gusta Parmann, nink kaibas temma ollew omma sullase Josep Leplandiga se lepping tettu ollu, et Josep Lepland Jürripäiwast 1877tast ammak sinna 1878ni jälle temma tenistuse jääb. Se lepping ollu neil tettu sel 4. Septbr. 1876, nink ollu 1 Rbl. Josep Leplandile käeraha antu, ent nüüd sel 7. Februaril s.a. ollew Josep Lepland üttelnu, temme ei jäwad mitte temma tenistuse, ent lähawad ärra.

Tunnistaja selle leppingu man ommawa ollu:

Gustav Johanson Meeksi wallast ja Wido Hiwask Werriorralt 

wäljanöudminne.

Josep Lepland sai ette kutsutus nink wastutas temma ei olle mingisuggust leppingut Gustaw Parmanniga tenistuse perrast tennu, ent se 1 Rb. raha mes temma Gustav Parmanni käest sanu, ollew wõlla tassumise päle Gustav Parmanni polt ollu; selle et Gustav Parmann ollew temma käest 2 Rbl. lainuses wötnu; ent temma ollew Gustav Parmanni kaest weel omma tenitud palga raha    Rb. sata.

Otsus:

ne tunnistaja, Gustav Johanson ja Wido Hiwask sawa ette kutsutu.

Päkohtomees Gustav Lepson

Kohtomees Paap Sabbal

Kohtomees Josep Jöks

Kirjotaja J. Maddisson <allkiri>