Jusal, sel 7. Augustil 1870 olli koggokonna kohhus koon

Juhhan Seme tulli ette kaiwas: Temma ollew hendale Marri Müürsep aastas aos tütrikus kaubelnu ja tütrik om nüüd seni ajani ärra olnu; ent nüüd ollew ärra lännu. Nõwwap tütrikko taggasi ja neid päiwi, mes temma ärra on wiitnu.

Marri Müürsep kutsuti ette küssiti: Kuis sinna ollet tohtnu omma perremehhe mant ärra minna?  Marri koste: Se ärra tullek tulli sedda wisi: Perremees ja pernaine lätsiwa mõllemba ärra külla ja minnule oppati tö kätte. Ent kui koddo tulliwa, naksi perrenaine tarren minnoga tö perrast riidlema ja tüllitsema, ni kui ta jo kiik Kewwaj om tennu, mes minna ni weidi langu ollew kerrinu. Perrast tulli ka weel perremees, se tõugas minnu wasta sängu weert, naksi prasma ja wandma nink käsk essi minnul ärra minna, mis päle ka minna lätsi. Ent nüüd palle minna koggokonna kohhut ni hä olla ja mitte minno temma manno taggasi saata, sis ei olle muud kui tülli ja haugutus egga päiw. 

Juhhan Seme es ütle kül sedda õige ollew; ent et ütteki tunnistust es olle mõist koggokonna kohhus nida: Marri Müürsep peap jälle omma perremehhe manno taggasi minnema, tälle sõnna wõtlik ollema ja kiik mes näütsiko kohhus, ausaste täütma; ent Juhhan Seme ei sa ka selle ütteki tassumist neide ärra widetu päiwi eest, et temma essi ka süüdlane om olnu; sest muido ei olles jo tütriko ärra minnek tulnu. 

Sai kohto otsus ja § 773 kohtun käüjalle kulutedus; ent Juhhan Seme es olle rahhul nink Prottokoll om sel 13. Augustil wälja antu. 

                                                       Pä kohtumees Mihkel Raig  XXX

                                                           kohtumees  Jaan Leppasoon  XXX

                                                                    do        Johan Mandli  XXX

                                                         Kirjutaja H. Undritz [allkiri]