Kaiwas Liiso Kirhäiding et temä mehel Gustal Kirhäidingel olnu Häide talo No 62 rendi pääl pidada ja tema mees Gustaw olnu oma esa Peetre Kirhäidingega ja nooremba welle Jaaniga üten Kiige kraamiga ja peräst ostnu nema Häide talo No 62 ja Kürsa Peetre talo N0 64 poole ärä kiiki hoonedega nii wiisi: et poolmaad kummalegi pidi saama, mes see een kondrad, mes parhella alale om tunnistap ja Kahkwa Kogokonna kohtu tolle aajatse Kohtumehe: Peep Lepmann Gusta Lepson ja ka töise poole maa Perremehe Paap Parmann ja Kusta Parmann wöiwa tunnisteda nink masnuwa neide pooltöise talo eest 1500 Rubla sisse; osast raha olnu wölgu wöetu. Ent ei ole kondrad sis ärä kinnitedus saanu ja koolnu tema mees Gustaw Kirhäiding ärä ja perast tema mehe surma lasknu tema mehe esa Peeter Kirhäiding niida see maa kondradi kinnitada et Kürsa pool maad No 64 6 2/3 taadret tema poja Peetre Kirhäidinge pääle ja om ka weel selle poole maa päält hoone ärä wedanu oma maa pääle niida et sääl muud ei saisa kui üts rehetare ja sedaki om pool töisel perremehel ja nüüd seda maad pidawat tema mehe nooremb weli Jaan Kirhäiding oma maa körwal ja sel wiisil jääp to maa lahjas nink lähäp hukka ja wötwa ka muide käest raha weel wölgu selle maja pääle ega aasta Nink kuna tema mehe nooremb weli Jaan Kirhäiding ka temaga rahule ei ole, et tööd ei jöwwa teta nii kui tema tahap ja om teda ärä ajanu mitu körd ja neil sukugi rahuliku ello ei ole ja peap tema wijele inemisele röiwa andma. Ent ei ole möödälännu ajasta enämb kui 1 1/2 punda linnu 5 inemise röiwa pääle antu; ja tema selwiisil sääl ei wõi eläda nink pallep kohut et tema omast mehest perräjäänu pojaga kes 13 ajastat wana ja tütter kes 18 ajastat wana oma mehe perrä jäänu peränduse pääle omme lastega wois elama minna, et rahulikult oma 3 latsega wöip pääd toita Ent mes tema mehe nooremb weli ja wana 63 aastat mehe isa ei luppa laske errale minna; sis pallep temma Lesk Liso Kirhäiding hendale Wöörmündrid säda hendale ja lastele et tälle weel seni ütteki Wöörmündrit ei olle säetu nink pallep ka omma asja kohtul selleta.

Ette kutsuti Peeter ja Jaan Kirhäiding ja wastutiwa, et sel Gustawi pojal Peeter Kirhäidingel kül maa om 6 2/3 taadret esast jäänu ent et nema enne tälle seda kätte ei anna kui oppusel oma ära käwnu ja ütliwa kül sääl maa pääl hooned olewat olnu ja nimelt: üts ait mes Jaan Kirhäidinge ussaja pääl parhella saisap nink üts kolme sainaga ole küün mes nema säält toonu omma ja olnu ka sääl maa pääl üts wäikene ait, üts tall kolme sainaga ja üts wana sa. Ja ollew neil ka wölga weel üle kiige maja massa ja nimelt

Nink om neil kraawi kaiwetu selle jaomaa pääle ja katte wakale wastsest maad tettu nurmes ja muido liikuwad maja warandust ei luppa nema selle Kusta Kirhäidinge naise ja lastele muud anda, kui lehm, ja hoonede jaos ollew 50 palki mõtsan selle 6 2/3 taadrede maja jaos.

Ette kutsuti Paap Parmann, töise poole maa perremees ja tunnist et neil olnu nelja pääle Gusta ja Jaan Kirhäiding Paap ja Kusta Parmann Kursa kolm tallo ütte ostetu ja olnu hoone selle No 64 talo krundi pääl kiik täwweste niida et kui pooles nema jaganu saanu Gustawi Kirhäidinge jaos: üts tubli ait mes parhella Jaan Kirhäidinge krundi pääl saisap. üts kolme sainaga Ole küün üts wäike ait ja hobeste Tall kolme sainaga ja üts wana san ja selle No 62 Häido talo rensi maa pidaja olnu enne ostmist Gusta Kirhäiding.

Ent Liiso Kirhäiding wastut et see 347 Rubla ei ole mitte kiik maa ostmise pääle wöetu wölg, eng neil peramatsil ajastadel ilma asjanda kulude pääle sest neide 20 taadre maa Indres ei ole kallim kui sada rubla ja tulep 5 rubla ega taadre pääle massa ja seda om maa ega ajasta täwweste sisse tennu. Wana maa ostmise pääle wöetu wölg om enne Jakop Parmsoni käest 100 Rubla ja Rein Pabuski käest 60 Rubla. Ent muido raha om perast wölgu wöetu ha sulaste palga eölgu jäetu.

Otsus.

Moistis kohus et Wöörmündre Paap Parmann ja Johan Käis omma wastutamisses lubawa wöta et Läsk Liiso Kirhäiding lät omme lastega oma mehest perra jäänu poja maija elama kewade 1880 a. selle et rahuliku ello neil ei ole ütten ja massap kolmanda jao sest üles andu wölast mes masmata om. Ent Peeter ja Jaan Kirhäiding tegewa nee hoone selle maa pääle üles mes säält om ärä häedanu; kooni 1880 aastani sügise ja saap neljas osa sest maja liikuwast warast ka neile lastele, selle, et neide esa Gustawi rendi maja warandus neide kätte jäänu.

Selle otsussega es olle kumbki rahhul ja palsiwa Prottokoli wälja mes ka antus saije.