Kaiwas Foma Beläjew, et Jakob Rosneck ei tahtwat temale 20 rubl. töö palka Kahkwa mötsasaksa maha parandamise eest ära massa. Tunnistaja: Ossip Markow, Iwan Beläjew ja Filip Lomanossow Räpina wallast.

Wastutas Jakob Rosnek, et tema ei olewat wöinu Beläjewa tööga sugugi rahul olla ei ka seda wasta wõtta, selleperast et töö ei ole lepingu perra tettu, ja nimelt olewat möni jago pörmandut ümbretegemata jätteu, mis wastses tettus pidi saama ja wastsest tettu pörmand ei ole kontrakti perra punnitu selleperast laskwat pörmand külma ja tuult läbi.

Foma Beläjew es salga, et wastsest tettu pörmand punnitamata om tettu ja ütel, et temal ei ole wõimalik olnu seda tetta.

Tunnistas Ossip Markow, et kõik töö sai tettus ja põrmand sai ennegi ütte maja otsa pääl wastsest tettus, töise otsa ehk poole pääl jäi wana pörmand saisma, selleperast et sääl es ole sehwammi sisen. Rosneck olewat selle tööga täwweste rahul olnu ja nimelt perast seda, kui töö tema soowimise perra üle parandetus sai.

Tunnistiwa Filip Lomanossow ja Iwan Beläjew niisama.

Otsus.

Kohus moistis, et Foma Beläjew peab kontrakti perra seda wastsest tettu põrmandut punnima ja wanna põrmandut, kos shwammi sisen peassi olema, ka wastsest tegema punnidega. Pääle selle, kui niida om tettu, peab Jakob Rosnek Foma Beläjewale 20 rubl. wäljamasma.

Foma Beläjew es ole selle kohtootsusega rahul ja anti temale tema palwe pääle se protokoll wälja.

Pääkohtomees Johan Lepland

Kohtomees Jaan Kirhäiding

Kohtomees Josep Oinberg

Kirjotaja D. Otsing <allkiri>

​​​​​​​