Kaiwas wallawannemb Wiido Ritsing, et Rein Oinberg olewat teda köige rahwa een wargas tennu könelden et tema "Ritsing, om kohtumaja ehitamise tarwis walla kulu pääle 24000 sawi kiwwi möisast toonu ja kos nii palju kiwwe om ära kulunu, sis pidanu kohtumaja selgist sawikiwest üles tettu olema!"

Et ennegi 4040 kiwwi kohtumaja ehitamise tarwis om mõisast toodu, selle perra olewat tema, Ritsing, 19960ne kiwi wargas tettu, mis wäärt om 239 rublat 70 kop.

Tunist. Joh. Lepland, Miitru Tichonow, Teppo Nitsikow.

Wastutas Rein Oinberg, et möisa Herr Mathiesen olewat temale ütelnu, et Wallawannemb Ritsing olewat 24000 sawi kiwwi kohtumaja tarwis tellinu. Oinberg es saa salata, et tema neid kiwwe ei ole perra nöudnu.

Tunistas Johan Lepland, et tema kuulnu Rein Oinbergi ütlewat: Wallawannemb om 24000 kiwi tellinu ja sis pidanu kohtumaja selgist kiwest tettu olema.

Tunistas Miitra Tichonow, niisama.

Tunistas Teppo Nitsikow, niisama.

Tunistas Herra Mathiesen, et tema Rein Oinbergile ütelnu: Wallawannemb om hendale tellinu 4500 kiwi.

Otsus.

Kohus moistis, et Rein Oinberg peab trahwi masma 2 rubla selle eest, et tema Wiido Ritsing awwo walla rahwa een om tahtnu määrida.

Wiido Ritsing es ole selle kohtuotsusega rahul ja pallel protokolli wälja, sis sai temale Opusleht ette loetus ja kätte antus sell 26. Mail.

Pääkohtomees Joh. Lepland

Kohtomees Jaan Kirhäiding

Kohtomees abi Jaak Leppind

Kirj. D. Otsing <allkiri>