Wälja wõetu Prottokolli No 1. Makohtule.

Jusal sel 12. Januaril 1871 olli Karrasky koggokonna kohhus koon.

Ette tulli Alla Jusa maja perremees Jakob Uibo ja kaiwas: Temmal ollew öse läbbi paja 10 punda linno wälja kistu nink löidnu Ehhamarro kõrdsimehhe õlle kuhja sisest 7 punda, mes kui pakla omma ärra wassetu nink liggunu. 

Koggokonna kohhus om ne jäle ülekaenu nink passewa ütte Juhann Jaht nink Juhan Troon saapa. 

Kutsuti ette Juhhan Jaht nink küssiti, kas sinna ei olle Alla Jusa Jakobi linno warrastanu?  Ent Jaht sallas sedda ärra. Ent kui koggokonna kohto poolt ilm trahwita tedda lubbati jätta kui temma ärra tunnistas, sis tunnist Juhhan Jaht ülles: Alla Jusa Jakob Uibo sullane oll Juhhan Trooni kutsnu nink se kuts minno, sis lätsime meije Juhhaniga een ärra nink sullane Jakob Lodus tulli perra ja temma kisk suuremba jao linno wälja sis läts essi ärra nink üttel: Wõtke kurradi sälga nakkake minnema. Sis kisk Troon weel se tükki wälja mes jo Jakobil paja ette olli tõmmatu nink meije wõttime sälga ja weime ärra Ehhamarro kõrdsimehhe õlle kuhja sisse. Nüüd kutsuti ette Juhhan Troon, se es woi ka ennamb sallata enge tunnist: Jakob Lodus kuts kõrdsi man minno,  medda ka Juhhan Wähk kuuld, et tulle, linna omma kambren. Sis ütli minna sedda ka Jahhile. Nüüd üttel Jakob: Minge teije een ärra ja ootke minno. Sis lätsi minna Jahhiga eesmalt käe tulba manno, sääl peijeme nõwwo nink perrast Kutsari tallo poole üles nink säält alla soo päle perrast Kutsari tallo poole ülles nink säält alla soo päle ja nimodu Alla Jusa wärrete tade.  Sääl odime Jakobit, sest muido es tija meije kohhegi minna, seni kui temma tulli, sis lätsime kambre paja alla nink Jakob aije käe sisse nink üttel: Sija om üts  tarwis. Sis anni minna wäidse nink meije lätsime ja tõime ütte malga. Sellega kisk Jakob linno wälja nink üttel: Wõtke kurradi sälga ja nakkake minnema ja essi läts mant ärra. Sis kissi minna weel se ütte kimbo mes ette olli tõmmat, wälja wõttime kattekeste Jahhiga sälga ja weime ärra õlle kuhja sisse.

Juhhan Wähk kutsuti ette, se tunnist: Et temma om kül kuulnu kui nemma omma kõnnelnu, et põlwega wõip ust mahha lüwwa ja selle päle om Juhhan Troon tälle lääme mes ni paljo warga keli piddi tähhendama: Tulle ütten. Ent temma om wasta üttelnu: Minnul ei olle nisugguse asjaga middagi teggemist. 

Nüüd kutsuti ka ette Jakob Lodus: Se sallas sedda koggoni ärra, enge üttel nipaljo: Et Juhhan Troon oll kõrdsi man küssinu, kas Alla Jusa Jakobil linna iks kambren omma ? Ja temma om wastu üttelnu: Na omma iks weel sääl ja muud middagi. 

Päle selle awwald Juhhan Troon, et Jakob Lodus ollew ka tedda üts kõrd Alla Jusa rehhe alt kutsnu rükki wargile, et sääl 6 wakka katte kottiga ollew. Ent ka sedda tunnist Jakob Lodus wõlsis. 

Nüüd küssiti Alla Jusa perremehhe käest, paljo sinna omma kahjo tassumist nõwwat? Temma wastud: 30 Rubla. 

Kohtu otsus: Tallo rahwa säduse ramatu § 1070 ja 1071 perra sawa süallutse Keiserlikko Makohto ette widus, kos neidega sädusse perra tallitedas. 

Sai ka kohtu otsus kulutedus.

                                                        P. Undritz kirjutaja assemel.