Kustaw Rämman ja Kustaw Lepson anniwa kohtule üles, et näil olewat öösel 24/25 Septembril s.a. 2 hobest riistuga tallist ära warastetu ja Peter Küttmann olewat hobeste kätte andja olnu. Kustaw Rämmani hobene wäärt 37 Rubl. otsmise kulu 40 Rubl. Kustaw Lepsoni hobene wäärt 60 Rubla otsmise kulu 20 Rubl.
Ette kutsuti Peter Küttmann ja wastutas, et üts wõõras hulgus nimega Widrik Haberland tulnu 18. Septembril Karl Küttmanni maija ja kolmandal päiwal ütelnu peremees Karl Küttmanni temale Peter Kütmannile:"See mees, Widrik Haberland, om pts wajotaja mees, kes hobesid paneb kui mulku; kae üts paar hobesid, sis saat sina hendale paari saapit, wastse kaks ja särgi sest sino palk om ka muido wäega odaw ja nimelt talita sina Kustaw Rämmani ja Kustaw Lepsoni hobene ära, neist kahju ei olem sis saat sina neide hobese eest 50 rubla, mis üle jääb, see saab wargale hendale napsi rahas. 24 Septembril kell 8 hom. läts see Widrik Haberland säält majast ära ja peremehe käsu pääle saaadi mine teda ülejõe Wööbsu poole minema. Sellesama päiwa ödangul ilda tulli Haberland tagasi mino manu, kui mina jo magasi ja töi 1/2 toopi wiina, käsk neid hobesit kätte andma tulla, nii kui peremees ära opanu olli, ent mina kätte andma es lää, Tema jöotis minno joobnus ja mina juhati temale neid hobesit, pääle see küsse tema päitset ja läts ära, hommongu olliwa päitse ära kadonu ja Karl Küttmann es kahitse neid päitsit sugugi. Pääle warguse ütelnu Karl Küttmann:"Kui meid keaki warguse perast kimbutama nakab, sis laseb WidrikWoot Panikowitsa 4 meest wälja, nee omawa kui hurdad, kes näil silmadki wälja kiskwa ja palutamine om näil ka selge." Widrik Woot ütelnu!": See Haberland olewat see paari kuu sisen 4 hobest ära warastanu. Widrik Haberland lubanu Karl Küttmannile üts wedro-wanker tuwwa.
Wastutas Karl Küttmann, et see Widrik Haberland olnu küll tema majan 6 päiwa, awitanu temale tööd tetta, ja neide päiwi eest masnu tema tälle palka 1 R. 60 K., ent kas tema waras olli, seda tema ei ole sugugi teednu, Omale sulasele Peter Küttmannile ei olewat tema wargust käsknu, ei tälle selle perast miadagi ütelnu ja selle perast ei teedwat tema sest asjast midagi.
Tunistas Peter Lepson, et paar päiwi enne wargust ütelnu Karl Küttmann:"See mees (Widrik Haberland) om üts hää hobeside wajotaja. Ja pääle hobeste warguse õtelnu seesama Karl Küttmann:"Selle mehele (Haberlandile) wöinu kas 10 tükki höbesid handa pitti perra panda, ta ales nüid wajotanu, Widrik Haberland lubanu Karl Küttmannile üts wedro-wanker tuwwa.
Tunistas Hindrik Kiiskmann, et Peter Küttmann ütelnu talle:"Minu esi ole neid hobesid kätte andnu!" Pääle see küsinu tema, Kiiskmann: Kas sinno om keake käsknu seda tetta? Selle pääle wastotanu Küttmann:"Kes wöib minno wargile sundi." See köne olnu Woobsust tullen 6 Okt. s.a.
Otsus.
Karl Küttmanni ja Peter Küttmanni köudusen Keiserliku Wörro Maakohtule saata ja ütelisi neidega ka seda Protokolli nimitedu kohtule alandlikult ette panda.
Pääkohtumees Joh. Lepland
Kohtumees J. Kirhäiding
as. kohtum. J. Leppind
Kustaw Rämman ja Kustaw Lepson anniwa kohtule üles, et näil olewat öösel 24/25 Septembril s.a. 2 hobest riistuga tallist ära warastetu ja Peter Küttmann olewat hobeste kätte andja olnu. Kustaw Rämmani hobene wäärt 37 Rubl. otsmise kulu 40 Rubl. Kustaw Lepsoni hobene wäärt 60 Rubla otsmise kulu 20 Rubl.
Ette kutsuti Peter Küttmann ja wastutas, et üts wõõras hulgus nimega Widrik Haberland tulnu 18. Septembril Karl Küttmanni maija ja kolmandal päiwal ütelnu peremees Karl Küttmanni temale Peter Kütmannile:"See mees, Widrik Haberland, om pts wajotaja mees, kes hobesid paneb kui mulku; kae üts paar hobesid, sis saat sina hendale paari saapit, wastse kaks ja särgi sest sino palk om ka muido wäega odaw ja nimelt talita sina Kustaw Rämmani ja Kustaw Lepsoni hobene ära, neist kahju ei olem sis saat sina neide hobese eest 50 rubla, mis üle jääb, see saab wargale hendale napsi rahas. 24 Septembril kell 8 hom. läts see Widrik Haberland säält majast ära ja peremehe käsu pääle saaadi mine teda ülejõe Wööbsu poole minema. Sellesama päiwa ödangul ilda tulli Haberland tagasi mino manu, kui mina jo magasi ja töi 1/2 toopi wiina, käsk neid hobesit kätte andma tulla, nii kui peremees ära opanu olli, ent mina kätte andma es lää, Tema jöotis minno joobnus ja mina juhati temale neid hobesit, pääle see küsse tema päitset ja läts ära, hommongu olliwa päitse ära kadonu ja Karl Küttmann es kahitse neid päitsit sugugi. Pääle warguse ütelnu Karl Küttmann:"Kui meid keaki warguse perast kimbutama nakab, sis laseb WidrikWoot Panikowitsa 4 meest wälja, nee omawa kui hurdad, kes näil silmadki wälja kiskwa ja palutamine om näil ka selge." Widrik Woot ütelnu!": See Haberland olewat see paari kuu sisen 4 hobest ära warastanu. Widrik Haberland lubanu Karl Küttmannile üts wedro-wanker tuwwa.
Wastutas Karl Küttmann, et see Widrik Haberland olnu küll tema majan 6 päiwa, awitanu temale tööd tetta, ja neide päiwi eest masnu tema tälle palka 1 R. 60 K., ent kas tema waras olli, seda tema ei ole sugugi teednu, Omale sulasele Peter Küttmannile ei olewat tema wargust käsknu, ei tälle selle perast miadagi ütelnu ja selle perast ei teedwat tema sest asjast midagi.
Tunistas Peter Lepson, et paar päiwi enne wargust ütelnu Karl Küttmann:"See mees (Widrik Haberland) om üts hää hobeside wajotaja. Ja pääle hobeste warguse õtelnu seesama Karl Küttmann:"Selle mehele (Haberlandile) wöinu kas 10 tükki höbesid handa pitti perra panda, ta ales nüid wajotanu, Widrik Haberland lubanu Karl Küttmannile üts wedro-wanker tuwwa.
Tunistas Hindrik Kiiskmann, et Peter Küttmann ütelnu talle:"Minu esi ole neid hobesid kätte andnu!" Pääle see küsinu tema, Kiiskmann: Kas sinno om keake käsknu seda tetta? Selle pääle wastotanu Küttmann:"Kes wöib minno wargile sundi." See köne olnu Woobsust tullen 6 Okt. s.a.
Otsus.
Karl Küttmanni ja Peter Küttmanni köudusen Keiserliku Wörro Maakohtule saata ja ütelisi neidega ka seda Protokolli nimitedu kohtule alandlikult ette panda.
Pääkohtumees Joh. Lepland
Kohtumees J. Kirhäiding
as. kohtum. J. Leppind
