Kaibas Mihkel Woikmann, et 31 Dets m.a. Kirmse koolimaja mant kodo tullen ajanu Jüri Lendoki naine tema naise tee pääk ree ala ja sest om tema naine wiga saanu rinnole pääle ja jalule. Selle eest nöwwab tema 15 R.

Wastutas Liisi Lindok Jüri naine, et tema küll seda meelega ei ole tennu, tema tänitanu küll ja tennu helli, et andke teed!

Tunistas Josep Jöks, et nema lännuwa kõik ütten teed pitti, sääl sõitnu Liis Lendok ja ajanu, ilma et määrastki heli oles tennu, õkwa Lotta Woikmannile pääle, naine jäänu ree ala ja saanu nii suurt wiga, et tema, Jöks, oma naisega teda pidiwa koda wiima, sest et tema enamb oma jöuwuga es jöwwa minna.

Tunistas Wiido Juusar oma naise eest ka niisama.

Tunistas Liiso Woikmann, et tema olnu Liis Lendokiga üten saanin söitman Wastse aasta polpüha ödangu Kirmse küla poole. Liis Lendok tänitanu küll: Tee päält, tee päält! Ent kas Lotta Woikmann seda kuuld, seda wöi tema ütelda; Lotta Woikmann saanu tema arwamise perra hobese rinnaga maha löödus ja jäänu hobese jalgu ala, pääle see wöetu see naine Krösle pää eest maast üles.

Otsus.

Lepsiwa niida, et Jüri Lendok massab Mihkel Wöikmannile 3 Rbl. kahjotasomist.

Pääkohtumees Joh. Lepland

Kohtum. J. Kirhäiding

Kohtum. J. Oinberg