Kaibas Hels Rummask, 8dal Märtsil tulnuwa Paap Tobrow ja Joosep Oinberg Hindriki poig tema tarre sisse ja Joosep Oinberg löönu nuijaga Hindrik Rumaskile käe warre pääle, pääle see löönu Paap Tobrow temale, Helsele, 2 körd kulakuga rindu, töuganu ahjo saina wasta ja löönu ütte rawwaga pääha; pääle see purutanu Paap Tobrow tema wokki ära.

Wastutas Joosep Oinberg, tema ei ole Hindriki Rumaski taren 8dal Märtsil mitte käünu ja ei tija sest asjast midagi.

Wastutas Paap Tobrow, et 8dal Märtsil tulnu tema Joosep Oinbergiga üten Kahkwa möisast suurt teed pitti kunni Wäiko Wöörksuhe ja ei ole kellegi pool majan sisen käünu ja ei tija Hels Rummaski kaibusest midagi.

Tunistaja Wiido Oinberg, Jaan Kodowand, need tulnuwa tee pääl weidike eembal näid.

Joosep Oinberg kostis, et Hindriki Rumaski pini om sis näide mööda mineki ajal hauknu ja Paap Tobrow om mõne söna poisile ütelnu.

Otsus.

Wiido Oinberg ja Jaan Kodowand tunnistajis ette kutsu.

Pääkohtumees J. Lepland

Kohtumees J. Oinberg

Kohtumees J. Kirhäiding

Omawa ära leppnuwa.