Ette astewa Keriko Wöörmünder Ans Liiwak ja Toomas Kärtmann ja kaibasiwa, et kui nema Katti Mustingit pidanuwa Tohtri manu wiima läbi kaemises, kas tema rasedat olnes, selle perast et Katti Musting seda köwaste ära salgas. Pääle see kui tohtri olli läbi kaenu ja tunistuse andnu, ütles Katti Musting Tohtrile, mis perast tema, tohter, seda rasedat olemist joba edimast körd ei ole tunistanu, kui tema, Musting, tohtri manu selle asja perast käwe. Tohtri ütles selle pääle, et tema ka sis edimast körd joba om Kattile ütelnu, et tema rasedat om. Pääle selle kui Tohtri tunistuse kätte andis selle üle sis nakas Katti Musting oma süüdi tunistama. Selle wölsmise ja salgamise perast nöwwawa nema, et Katti Musting trahwitus saassi.

Katti ei wastuta midagi selle kaibuse pääle.

Otsus.

Kohus möistis: Katti Musting peab selle eest et tema meelega om oma rasedat olemist keriko wöörmündri wastu salganu ja Tohtrit wölsjas tennu, trahwi masma Keriko waeste kassa 5 Rbl.

Pääkohtumees Joh. Lepland

Kohtumees J. Kirhäiding

Kohtumees J. Oinberg

Ärra masnu 5 Rubla Ants Liwaki​​​​​​​ kätte